ക്ഷമിക്കണം അച്ഛാ.. എന്ന് കുറിപ്പെഴുതി ഉറ്റ സുഹൃത്തുക്കളായ രണ്ടു പെണ്‍കുട്ടികളെ ട്രെയിന്‍ തട്ടി റെയില്‍വേ ട്രാക്കില്‍ മരിച്ച നിലയില്‍ കണ്ടെത്തി. വൈകുന്നേരം ആറു മണിയോടെയാണ് പെണ്‍കുട്ടികളെ ട്രെയിന്‍ തട്ടി റെയില്‍വേ ട്രാക്കില്‍ കിടക്കുന്ന നിലയില്‍ കണ്ടെത്തിയത്. ഉടന്‍ തന്നെ ഇരുവരെയും ആശുപത്രിയഇല്‍ എത്തിച്ചുവെങ്കിലും മരണം സ്ഥിരീകരിക്കുകയായിരുന്നു.

രണ്ടു പെണ്‍കുട്ടികളും സിബിഎസ്ഇ പ്ലസ് ടൂ പരീക്ഷ എഴുതിയവരായിരുന്നു. അതിനാല്‍ റിസല്‍ട്ടിനെ തുടര്‍ന്നുണ്ടായ നിരാശയാണോ മരണത്തിനു കാരണമായതെന്നും പോലീസ് സംശയിക്കുന്നു. എന്നാൽ മരിച്ച ഒരു പെണ്‍കുട്ടിയുടെ മാതാവ് കുറച്ചു വര്‍ഷങ്ങള്‍ക്കു മുമ്പ് മരണപ്പെട്ടതിനെ തുടര്‍ന്ന് പെണ്‍കുട്ടി കടുത്ത നിരാശയിലായിരുന്നുവെന്ന് പോലീസ് പറയുന്നു. ആത്മഹത്യ ചെയ്യാനുള്ള കാരണം എന്താണെന്ന് പോലീസ് അന്വേഷിച്ച് വരുകയാണ്.