സി.പി.എം സംസ്ഥാന സെക്രട്ടറി പിണറായി വിജയനുമായി രാഷ്ട്രീയം ചര്‍ച്ചചെയ്‌തതായി സി.എം.പി നേതാവ്‌ എം.വി രാഘവന്‍ വ്യക്തമാക്കി. പിണറായി തന്നെ വീട്ടില്‍ വന്നു കണ്ടപ്പോള്‍ രാഷ്ട്രീയ ചര്‍ച്ച നടന്നിരുന്നു. ഇടത്‌ ഐക്യം വേണമെന്ന തന്റെ നിലപാടു തന്നെയാണ്‌ പിണറായിക്കും എന്നും രാഘവന്‍ പറഞ്ഞു.
പരിയാരം മെഡിക്കല്‍ കോളേജ്‌ ഏറ്റെടുക്കാനുള്ള സര്‍ക്കാര്‍ തീരുമാനം തന്റെ എതിര്‍പ്പ്‌ മറികടന്നിട്ടാണെന്നും അദ്ദേഹം വ്യക്തമാക്കി. ഇതിനായുള്ള ഉമ്മന്‍ ചാണ്ടി സര്‍ക്കാരിന്റെ നീക്കം അംഗീകരിക്കാനാകില്ല. മര്യാദകൊണ്ടു മാത്രമാണ്‌ മുന്നണിയില്‍ തുടരുന്നതെന്നും അദ്ദേഹം പറഞ്ഞു. സഹകരണ മേഖലയിലെ മെഡിക്കല്‍ കോളജുകള്‍ ഏറ്റെടുക്കാനുള്ള സര്‍ക്കാരിന്റെ നീക്കം പ്രതിരോധിക്കുമെന്നും അദ്ദേഹം അറിയിച്ചു.