വരുന്ന ലോക്സഭാതെരഞ്ഞെടുപ്പിനെ പറ്റി ബിജെപിക്ക് വളരെയധികം പ്രതീക്ഷയുണ്ട്. അതുകൊണ്ടുതന്നെയാണ് തദ്ദേശ സ്വയംഭരണ തെരഞ്ഞെടുപ്പുകളിൽ ബിജെപികേന്ദ്ര നേതൃത്വം പ്രത്യേകം ശ്രദ്ധ വച്ചുപുലർത്തുന്നത്. കർണാടകയിൽ നിന്നും വരുന്ന തദ്ദേശ സ്വയം ഭരണ തെരഞ്ഞെടുപ്പ് ഫലങ്ങൾ ബിജെപിക്ക് അനുകൂലമാണ്.

കര്‍ണാടകത്തില്‍ 102 തദ്ദേശ ഭരണസ്ഥാപനങ്ങളിലേക്ക് നടന്ന തെരഞ്ഞെടുപ്പിലാണ് ബിജെപിയും കോണ്‍ഗ്രസും ഒപ്പത്തിനൊപ്പം മുന്നേറുന്നത്. വോട്ടെണ്ണല്‍ ആരംഭിച്ചപ്പോള്‍ മൈസൂരു മേഖലയില്‍ കോണ്‍ഗ്രസിനും വടക്കന്‍ കര്‍ണാടകത്തില്‍ ബിജെപിക്കുമാണ് നിലവിൽ അനുകൂല സ്ഥിതി.

മൈസൂരു, ഷിമോഗ, തുംഗുരു ജില്ലകളിലെ തദ്ദേശസ്വയം ഭരണ സ്ഥാനങ്ങളിലേക്കാണ് തെരഞ്ഞെടുപ്പ് നടക്കുന്നത്. 2,539 വാര്‍ഡുകളിലേക്കും 29 സിറ്റി മുനിസിപ്പാലിറ്റിയിലേക്കും 53 ടൌണ്‍ മുനിസിപ്പാലിറ്റിയിലേക്കും 23 ടൌണ്‍ പഞ്ചായത്തിലേക്കുമാണ് തെരഞ്ഞെടുപ്പ്. 9 നഗരസഭകളില്‍ കോണ്‍ഗ്രസും 7 നഗരസഭകളില്‍ ബിജെപിയും അഞ്ചിടത്ത് ജെഡിഎസും മുന്നിട്ട് നില്‍ക്കുന്നു.

കുമാരസ്വാമി സര്‍ക്കാര്‍ അധികാരമേറ്റതിനുശേഷം നടക്കുന്ന ആദ്യ തെരഞ്ഞെടുപ്പായതുകൊണ്ട്തന്നെ വലിയ പ്രാധാന്യം ഇതിനുണ്ട്.