ഒരുമാസത്തിനകം വരാൻ പോകുന്നത് ഒരു ഡസനിലേറെ ചരിത്രവിധികൾ ; ഒക്ടോബര് രണ്ടിന് ചീഫ് ജസ്റ്റിസ് പദവിയില് നിന്നും വിരമിക്കുമ്പോള് ദീപക് മിശ്രക്ക് വിധി പറയേണ്ടത് സുപ്രധാന കേസുകളില്
ഒക്ടോബര് രണ്ടിന് ചീഫ് ജസ്റ്റിസ് പദവിയില് നിന്നും വിരമിക്കുമ്പോള് ദീപക് മിശ്രക്ക് വിധി പറയേണ്ടത് സുപ്രധാന കേസുകളില്. സ്വവർഗ ലൈംഗീകത ക്രിമിനൽ കുറ്റമല്ലെന്ന് ദീപക് മിശ്ര അധ്യക്ഷനായ ബെഞ്ച് ഇന്ന് വിധിച്ചു.വിരമിക്കും മുന്പ് വിധി പറഞ്ഞില്ലെങ്കില് പുതിയ ബെഞ്ച് വീണ്ടും ഈ കേസുകള് കേള്ക്കേണ്ടി വരും എന്നതിനാലാണ് ഈ ഒരു മാസം നിര്ണായകമാകുന്നത്.
ആധാര് കേസ്, ശബരിമല സ്ത്രീ പ്രവേശനം, സ്വവര്ഗാനുരാഗം, ചേലാകര്മ്മം തുടങ്ങി എട്ട് സുപ്രധാന വിധിന്യായങ്ങള് ഈ മാസം ഉണ്ടാകും. വിരമിക്കുന്നതിനു മുമ്പ് 19 പ്രവര്ത്തി ദിവസങ്ങളാണ് ദീപക് മിശ്രയ്ക്കു ലഭിക്കുക. വരാനിരിക്കുന്ന വിധിന്യായങ്ങള് രാജ്യത്തിന്റെ രാഷ്ട്രീയ- സാമൂഹിക വ്യവസ്ഥിതിയില് വന്ചലനങ്ങളാണ് ഉണ്ടാക്കുക. കേരളത്തെ സംബന്ധിച്ച് അതീവ പ്രാധാന്യമുള്ള ശബരി മല കേസിലും വരും ദിവസങ്ങളിലൊന്നില് വിധി പ്രതീക്ഷിക്കാം. രാജ്യത്തെ അതിവൈകാരികമെന്ന് വിശേഷിപ്പിക്കാവുന്ന അയോധ്യ കേസും ദീപക് മിശ്രയ്ക്ക് മുന്നിലുണ്ട്.
https://www.facebook.com/Malayalivartha
