സെക്സ് ആവശ്യപ്പെടുന്നതും കൈക്കൂലി...കുറ്റം തെളിയിക്കപ്പെട്ടാല് ഏഴ് വര്ഷം വരെ തടവ് ശിക്ഷ
പുതിയ കൈക്കൂലി നിരോധന നിയമ പ്രകാരം സെക്സ് ആവശ്യപ്പെടുകയോ, അല്ലെങ്കില് എന്തെങ്കിലും കാര്യം ചെയ്തുകൊടുത്തതിന്റെ പേരില് സെക്സ് ചെയ്യുകയോ ചെയ്താല് അത് കൈക്കൂലിയുടെ പരിധിയില് വരും. കുറ്റം തെളിയിക്കപ്പെട്ടാല് ഏഴ് വര്ഷം വരെ തടവ് ശിക്ഷ ആയിരിക്കും ലഭിക്കുക.
കൈക്കൂലി നിരോധന നിയമം (ഭേദഗതി) 2018 പ്രകാരം അനുചിതമായി സ്വീകരിക്കുന്ന എല്ലാ ആനുകൂല്യങ്ങളും കൈക്കൂലിയുടെ പരിധിയില് ആണ് വരിക. അതായത്, നിയമപരമായ വേതനം അല്ലാത്ത എന്തും കൈക്കൂലി ആയിരിക്കും. ആതിഥ്യം സ്വീകരിക്കുന്നതും ആഡംബര ക്ലബ്ബില് അംഗത്വം വാങ്ങുന്നതും തുടങ്ങി വേണ്ടപ്പെട്ടവര്ക്ക് സ്വാധീനം ഉപയോഗിച്ച് ജോലി വാങ്ങി നല്കുന്നത് വരെ കൈക്കൂലിയില് പെടും.
1988 ല് ആയിരുന്നു കൈക്കൂലി നിരോധന നിയമം നിലവില് വരുന്നത്. 30 വര്ഷത്തിന് ശേഷം ആണ് ഇപ്പോള് നിയമത്തില് ഭേദഗതി വരുത്തിയിരിക്കുന്നത്. ജൂലായില് തന്നെ രാഷ്ട്രപതി ഭേദഗതിയ്ക്ക് അംഗീകരം നല്കിയിരുന്നു.
കൈക്കൂലി കേസില് നിന്ന് രക്ഷപ്പെടാന് പലരും പണം സ്വീകരിക്കുന്നത് ഒഴിവാക്കിയിരുന്നു. അതിന് പകരം സാധനങ്ങളായോ മറ്റെന്തെങ്കിലും സഹായങ്ങളായോ ഒക്കെ കൈപ്പറ്റുന്നവരുണ്ട്. ഇവര്ക്ക് കൂടി വിലങ്ങ് വീഴ്ത്താന് പ്രാപ്യമാണ് പുതിയ ഭേദഗതികള്.
https://www.facebook.com/Malayalivartha
