സുപ്രീം കോടതി ഞങ്ങളുടെ കൈയിലാണെന്നും അയോധ്യയില്‍ തന്നെ രാമക്ഷേത്രം നിര്‍മ്മിക്കുമെന്നും പ്രസ്താവനയിറക്കി യു.പി മന്ത്രി. രാമ ക്ഷേത്ര നിര്‍മ്മാണം സുപ്രീം കോടതിയുടെ പരിഗണനയിലിരിക്കേ ഉത്തര്‍ പ്രദേശ് മന്ത്രി മുകുത് ബിഹാരി വര്‍മ്മയാണ് പ്രസ്താവനയിറക്കിയത്. മാധ്യമങ്ങളോട് സംസാരിക്കുകയായിരുന്നു അദ്ദേഹം.

അയോധ്യയില്‍ രാമക്ഷേത്രം നിര്‍മ്മിക്കുമെന്നത് നമ്മുടെ നിശ്ചയദാര്‍ഢ്യമാണ്.സുപ്രീം കോടതിയും ജുഡിഷ്യറിയും രാജ്യവും ക്ഷേത്രവും നമ്മുടെതാണ് നമ്മള്‍ രാമക്ഷേത്രം നിര്‍മ്മിക്കുക തന്നെ ചെയ്യുമെന്നും ബിഹാരി വര്‍മ പറഞ്ഞു.പ്രസ്താവന വിവാദമായതോടെ മന്ത്രി തന്നെ വിശദീകരണവുമായി രംഗത്തെത്തി.
സുപ്രീം കോടതി നമ്മുടെതാണ് എന്നതു കൊണ്ട് അര്‍ത്ഥമാക്കിയത് രാജ്യത്തെ ജനങ്ങള്‍ എന്ന നിലയില്‍ സുപ്രീം കോടതിയില്‍ വിശ്വാസമുണ്ടെന്നാണ് കോടതി ബിജെപി യുടെ ഭാഗമാണ് എന്നല്ല ഉദ്ദേശിച്ചതെന്നും മന്ത്രി വ്യക്തമാക്കി.