പതിനേഴാം ലോ​ക്സ​ഭാ തെ​ര​ഞ്ഞെ​ടു​പ്പി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കെ​തി​രെ വാ​ര​ണാ​സി​യി​ൽ നിന്ന് മ​ത്സ​രിക്കാൻ തയ്യാറാണെന്ന് റിട്ടയേർഡ് ജ​സ്റ്റിസ് സി.​എ​സ്. ക​ർ​ണ​ൻ വ്യക്തമാക്കി. താൻ ആ​ന്‍റി ക​റ​പ്ഷ​ന്‍ ഡൈ​നാ​മി​ക് പാ​ര്‍​ട്ടി​യു​ടെ സ്ഥാനാർത്ഥിയായിട്ടാണ് മത്സരിക്കുന്നതെന്ന് അദ്ദേഹം വ്യക്തമാക്കി. ''വാ​ര​ണാ​സി​യി​ൽ മോ​ദി​ക്കെ​തി​രെ മ​ത്സ​രി​ക്കാ​ൻ ഞാ​ൻ തീ​രു​മാ​നി​ച്ചു. നാമനിർദ്ദേശ പ​ത്രി​ക സ​മ​ർ​പ്പി​ക്കു​ന്ന​തി​നു​ള്ള പ്രാരംഭ നടപടികൾ ആരംഭിച്ചു കഴിഞ്ഞു, അദ്ദേഹം പറഞ്ഞു. ഭ​ര​ണ​ത്തി​ലേ​യും നീ​തി​ന്യാ​യ സം​വി​ധാ​ന​ത്തി​ലേ​യും അ​ഴി​മ​തി തു​ട​ച്ചു നീ​ക്കു​ക​യാ​ണ് ത​ന്‍റെ സ്ഥാനാർത്ഥിത്വത്തിന്റെ ലക്ഷ്യമെന്ന് അദ്ദേഹം വ്യക്തമാക്കി.

അറുപത്തിമൂന്നുകാരനായ ജസ്റ്റിസ് കർണൻ വാരണാസി കൂടാതെ ചെ​ന്നൈ സെ​ന്‍റ​റി​ൽ ​നി​ന്നും ജന​വി​ധി തേ​ടു​ന്നു​ണ്ട്. ആദ്യമായി കോടതിയലക്ഷ്യക്കേസിൽ ശിക്ഷ അനുഭവിക്കുന്ന ന്യായാധിപനാണ് ജസ്റ്റിസ് കർണൻ. സു​പ്രീം കോ​ട​തി​യി​ലേ​യും ഹൈ​ക്കോ​ട​തി​യി​ലേ​യും ന്യാ​യാ​ധി​പ​ര്‍​ക്കെ​തി​രെ അ​ഴി​മ​തി ആ​രോ​പ​ണം ഉ​ന്ന​യി​ച്ച​തി​ന് കോ​ട​തി​യ​ല​ക്ഷ്യ​ക്കേ​സി​ല്‍ ആ​റ് മാ​സം ജ​യി​ല്‍ ശി​ക്ഷ അ​നു​ഭ​വി​ച്ചിരുന്നു ജ​സ്റ്റീസ് ക​ര്‍​ണ​ന്‍.

പ്രധാനമന്ത്രിയെ അഭിസംബോധന ചെയ്തു കൊണ്ടെഴുതിയ തുറന്ന കത്തിലായിരുന്നു അദ്ദേഹത്തിൻ്റെ ആരോപണം. ജുഡീഷ്യറിയിലെ അംഗങ്ങള്‍ക്കെതിരെ നടത്തിയ പരസ്യപ്രസ്താവനയുടെ പേരില്‍ അദ്ദേഹത്തിനെതിരെ സുപ്രീംകോടതിയുടെ എഴംഗ ബെഞ്ച്‌ കോടതിയലക്ഷ്യത്തിനു കേസ് എടുക്കുകയും കാരണം കാണിക്കല്‍ നോട്ടീസ് നല്‍കുകയും ചെയ്തു. പിന്നീട് അദ്ദേഹം കുറ്റക്കാരനാണെന്ന് കോടതി കണ്ടെത്തുകയും ശിക്ഷ വിധിക്കുകയുമായിരുന്നു.

ഏപ്രിൽ 25 ന് സംഘടിപ്പിക്കുന്ന തെരഞ്ഞെടുപ്പ് റാലിയ്ക്ക് ശേഷമായിരിക്കും മോദി സ്വന്തം മണ്ഡലത്തിൽ നാമനിർദ്ദേശ പത്രിക സമർപ്പിക്കുക. അമിത് ഷാ, നിതിൻ ​ഗഡ്കരി, രാജ്നാഥ് സിം​ഗ് എന്നിവർ തെരഞ്ഞെടുപ്പ് റാലിയിൽ‌ സംബന്ധിക്കും. വിവിധ സംസ്ഥാനങ്ങളിലെ ബിജെപിയുടം തെരഞ്ഞെടുപ്പ് റാലികളിലും പ്രചാരണത്തിലും സജീവ പ്രവർത്തനമാണ് പ്രധാനമന്ത്രി കാഴ്ച വയ്ക്കുന്നത്.

കോൺ​ഗ്രസിനെയും മറ്റ് പ്രതിപക്ഷകക്ഷികളെയും നിശിതമായി വിമർശിച്ചും കടന്നാക്രമിച്ചുമാണ് മോദിയുടെ ഓരോ തെരഞ്ഞെടുപ്പ് പ്രചാരണ പ്രസം​ഗങ്ങളും. പാവങ്ങൾ‌ക്ക് വേണ്ടി ക്ഷേമപ്രവർത്തനം നടത്താൻ കോൺ​ഗ്രസിനും തൃണമൂലിനും സാധിച്ചിട്ടില്ലെന്നാണ് ത്രിപുരയിൽ സംഘടിപ്പിച്ച റാലിയിൽ അദ്ദേഹം പ്രസം​ഗിച്ചത്. കഴി‍ഞ്ഞ ആഴ്ച പുറത്തിറക്കിയ തെരഞ്ഞെടുപ്പ് പ്രകടന പത്രികയിൽ രാജ്യസുരക്ഷയും കാർഷിക പ്രതിസന്ധിയുടെ പരിഹാരവുമാണ് പ്രധാന ലക്ഷ്യങ്ങളെന്ന് മോദി വ്യക്തമാക്കിയിരുന്നു. മെയ് 19 നാണ് വാരണാസിയിൽ തെരഞ്ഞെടുപ്പ് നടക്കുന്നത്.