മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): സാമ്പത്തികമായി നേട്ടങ്ങളുണ്ടാകുന്ന ദിവസമാണിത്. തൊഴിൽ മേഖലയിൽ വിജയങ്ങൾ കൈവരിക്കാനും ആരോഗ്യപരമായ ബുദ്ധിമുട്ടുകളിൽ നിന്ന് മോചനം നേടാനും സാധിക്കും. സ്ത്രീകളുമായി നല്ല ബന്ധങ്ങൾ സ്ഥാപിക്കാനും ഉല്ലാസയാത്രകൾ പോകാനും അവസരങ്ങൾ ലഭിക്കും.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): ഈ ദിവസം ചില വൈകാരികമായ വെല്ലുവിളികൾ നേരിട്ടേക്കാം. മാനസിക വിഷമങ്ങളും ഉറക്കക്കുറവും അനുഭവപ്പെടാൻ സാധ്യതയുണ്ട്. മാതൃതുല്യരായവരുടെ ആരോഗ്യ കാര്യങ്ങളിൽ പ്രത്യേക ശ്രദ്ധ ആവശ്യമാണ്. ജലവുമായി ബന്ധപ്പെട്ട കാര്യങ്ങളിൽ ജാഗ്രത പാലിക്കുക.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): വളരെ കാലമായി കാണാതിരുന്ന സുഹൃത്തുക്കളെയും ബന്ധുക്കളെയും കണ്ടുമുട്ടാൻ അവസരം ലഭിക്കും. ഈ പുനഃസമാഗമം മനസ്സിൽ സന്തോഷം നിറയ്ക്കും. തൊഴിൽ മേഖലയിൽ മികച്ച വിജയങ്ങൾ കൈവരിക്കാൻ സാധിക്കുന്ന ദിവസമാണിത്.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): രാഷ്ട്രീയ മേഖലയിൽ പ്രവർത്തിക്കുന്നവർക്ക് ചില അപവാദങ്ങളോ ആരോപണങ്ങളോ നേരിടേണ്ടി വന്നേക്കാം. എങ്കിലും ദൈവികാനുഗ്രഹത്താൽ ഈ പ്രതിസന്ധികളെല്ലാം മറികടക്കാൻ സാധിക്കും. അഴിമതി ആരോപണങ്ങളും സ്ത്രീ വിഷയങ്ങളുമായി ബന്ധപ്പെട്ട തർക്കങ്ങളും ഉണ്ടാകാതെ സൂക്ഷിക്കണം.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): തൊഴിൽ രംഗത്ത് ഈ ദിവസം നേട്ടങ്ങൾ നിറഞ്ഞതായിരിക്കും. ഉന്നത സ്ഥാനങ്ങളിൽ എത്താനും ബിസിനസ്സിൽ വലിയ പുരോഗതി നേടാനും സാധിക്കും. സാമ്പത്തിക ലാഭവും കാര്യവിജയവും ശാരീരികമായ സുഖവും ഈ ദിവസത്തെ സന്തോഷം വർദ്ധിപ്പിക്കും.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): ആരോഗ്യപരമായ ഉന്മേഷം അനുഭവിക്കാനും ജീവിതത്തിലെ തടസ്സങ്ങളെ അതിജീവിക്കാനും ഈ ദിവസം സാധിക്കും. കുടുംബ ജീവിതത്തിൽ സന്തോഷവും സമാധാനവും നിറയും. തൊഴിൽ രംഗത്ത് വിജയങ്ങൾ നേടാനും സാമ്പത്തികമായി മികച്ച ഉയർച്ച പ്രാപിക്കാനും സാധ്യതയുണ്ട്.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): അനാവശ്യ ബന്ധങ്ങൾ മാനഹാനിക്കോ ധനക്ലേശത്തിനോ കാരണമായേക്കാം എന്നതിനാൽ ഓരോ ചുവടും ശ്രദ്ധയോടെ വെക്കണം. വിവാഹ കാര്യങ്ങളിൽ ചെറിയ കാലതാമസം നേരിട്ടേക്കാമെങ്കിലും പുതിയ സൗഹൃദങ്ങളും സ്നേഹബന്ധങ്ങളും സന്തോഷം നൽകും.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): വിവാഹാലോചനകളിൽ ചില മാറ്റങ്ങൾ ഉണ്ടാകാൻ സാധ്യത കാണുന്നു. കാര്യങ്ങളിൽ ചെറിയ തടസ്സങ്ങളും സന്താനങ്ങളുമായി അഭിപ്രായ വ്യത്യാസങ്ങളും വരാം. അവിചാരിതമായ യാത്രകൾ ആവശ്യമായി വന്നേക്കാവുന്ന ദിവസമാണിത്.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): ഭൂമിയിൽ നിന്നുള്ള നേട്ടങ്ങൾ പ്രതീക്ഷിക്കാവുന്ന ദിവസമാണിത്. കൃഷി വഴിയും പക്ഷിമൃഗാദികളിൽ നിന്നും ധനലാഭം ഉണ്ടാകും. അമ്മാവൻ സ്ഥാനത്തുള്ളവരിൽ നിന്ന് നല്ല അനുഭവങ്ങൾ ഉണ്ടാകുന്നത് സന്തോഷവും സംതൃപ്തിയും നൽകും.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): കുടുംബത്തിൽ സന്തോഷവും ആഹ്ലാദവും നിറയുന്ന ദിവസമാണിത്. പുതിയ പ്രണയബന്ധങ്ങൾ ഉടലെടുക്കാൻ സാധ്യതയുണ്ട്. വിദ്യാർത്ഥികൾക്ക് പഠന വിഷയങ്ങളിൽ മികച്ച പ്രകടനം കാഴ്ചവെക്കാൻ സാധിക്കും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): സാമ്പത്തിക കാര്യങ്ങളിലും വ്യക്തിബന്ധങ്ങളിലും ജാഗ്രത പുലർത്തണം. തെറ്റിദ്ധാരണകളോ സാമ്പത്തിക നഷ്ടങ്ങളോ ഉണ്ടാകാൻ സാധ്യതയുള്ള സാഹചര്യങ്ങൾ ഒഴിവാക്കുക. സ്ത്രീകളുമായുള്ള ഇടപാടുകളിൽ മാനസിക പീഡയോ മാനനഷ്ടമോ ഉണ്ടാകാതെ ശ്രദ്ധിക്കണം.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): സംസാരശൈലിയിൽ അല്പം നിയന്ത്രണം പുലർത്തുന്നത് ഗുണകരമാകും. കർക്കശമായ വാക്കുകൾ ചില നല്ല അവസരങ്ങളെ നഷ്ടപ്പെടുത്തിയേക്കാം. കുടുംബബന്ധങ്ങളിൽ, പ്രത്യേകിച്ച് ഭാര്യയുടെ മാതാപിതാക്കളുമായി ചെറിയ അഭിപ്രായവ്യത്യാസങ്ങൾ ഉണ്ടാകാൻ സാധ്യതയുണ്ട്.

ജ്യോതിഷസംബന്ധമായ നിങ്ങളുടെ സംശയങ്ങൾക്കും പരിഹാരങ്ങൾക്കും  ജയറാണി ഇ വി 9746812212