രാജ്യത്ത് നിന്ന് ടിക് ടോക് അപ്രത്യക്ഷമാകാനുള്ള നടപടി ആരംഭിച്ചതായി റിപ്പോര്ട്ട്
കുട്ടികൾ മുതൽ പ്രായഭേദമന്യേ എല്ലാവരും ഒരുമിച്ച് ഉപോഗിക്കുകയും സോഷ്യൽ മീഡിയയെ ഹരം കൊള്ളിക്കുകയും ചെയ്ത ടിക് ടോക് ആപ്പ് സ്റ്റോറുകളില് നിന്നും ഉടന് നീക്കം ചെയ്യാന് ആപ്പിളിനോടും, ഗൂഗിളിനോടും കേന്ദ്രസര്ക്കാര് ആവശ്യപ്പെടും . ഇരു ടെക് ഭീമന്മാര്ക്കും ഇലക്ട്രോണിക് ഐടി മന്ത്രാലയം ഇത് സംബന്ധിച്ച് നിര്ദേശം നല്കും . ടിക്ടോക് നിരോധനം സംബന്ധിച്ച മദ്രാസ് ഹൈക്കോടതി മധുര ബെഞ്ചിന്റെ വിധി സ്റ്റേ ചെയ്യാന് സുപ്രീംകോടതി വിസമ്മതിച്ചതിന് പിന്നാലെയാണ് കേന്ദ്രത്തിന്റെ നടപടി .
മദ്രാസ് ഹൈക്കോടതി വിധിപ്രകാരം വിധി വന്നതിന് ശേഷം കേന്ദ്രസര്ക്കാര് ആപ്പ് ഡൗണ്ലോഡ് ചെയ്യാന് സാധിക്കുന്ന വഴികള് അടയ്ക്കണം. എന്നാല് ആപ്പ് ഉടമകള് കോടതിയെ സമീപിച്ചതാണ് ഇത് വൈകാന് കാരണം. വിധിക്ക് സ്റ്റേ അനുവദിക്കാത്തതിനാല് ഉടന് സര്ക്കാര് ആപ്പ് നിരോധന നടപടികള് തുടങ്ങുമെന്നാണ് കരുതുന്നത്.
കഴിഞ്ഞ ആഴ്ചയാണ് ടിക് ടോക് നിരോധിക്കണമെന്ന് കേന്ദ്രത്തോട് മദ്രാസ് ഹൈക്കോടതി ആവശ്യപ്പെട്ടത്. ടിക് ടോക്ക് പോണോഗ്രാഫിയെ പ്രോത്സാഹിപ്പിക്കുന്ന ആപ്പാണ് എന്നാണ് മദ്രാസ് ഹൈക്കോടതി ഇതിന് കാരണമായി പറയുന്നത്. ടിക് ടോക്ക് വീഡിയോകള് മാധ്യമങ്ങള് പ്രക്ഷേപണം ചെയ്യുന്നത് നിര്ത്തണമെന്നും ഈ ഉത്തരവില് പറയുന്നു. ഉപയോക്താവിന് ചെറിയ വീഡിയോകള് പങ്കുവയ്ക്കാന് സാധിക്കുന്ന ആപ്പായ ടിക് ടോക്കിന് ഇന്ത്യയില് 54 ദശലക്ഷം സജീവ അംഗങ്ങള് ഉണ്ടെന്നാണ് കണക്ക്.
ടിക് ടോക്ക് കുട്ടികളെ ലൈംഗികമായി ചൂഷണം ചെയ്യാനുള്ള വഴി ഒരുക്കുന്നു എന്നാണ് സാമൂഹ്യ പ്രവര്ത്തകനും അഭിഭാഷകനുമായ മുത്തുകുമാര് നല്കിയ ഹര്ജിയില് ആരോപിക്കുന്നത്. പോണോഗ്രാഫി, സാംസ്കാരിക തകര്ച്ച, ശിശു പീഢനം, ആത്മഹത്യ തുടങ്ങിയവയ്ക്ക് ടിക് ടോക്ക് കാരണമാകുന്നു എന്ന് ഹര്ജിയില് പറയുന്നു.
https://www.facebook.com/Malayalivartha
