രണ്ടാം മോദി സര്ക്കാര് നാളെ സത്യപ്രതിജ്ഞ ചെയ്യും; ബംഗാളിലെ വിവിധ സംഭവങ്ങളിലായി കൊല്ലപ്പെട്ട ബിജെപി പ്രവര്ത്തകരുടെ കുടുംബങ്ങള്ക്ക് മോദിയുടെ സത്യപ്രതിജ്ഞാ ചടങ്ങിലേക്ക് ക്ഷണം; നരേന്ദ്ര മോദിക്കൊപ്പം ബിജെപിയിലേയും എന്ഡിഎയിലേയും മുതിര്ന്ന നേതാക്കളും സത്യപ്രതിജ്ഞ ചെയ്യും
പുതിയ ഇന്ത്യക്കായി കൂടുതല് പുതുമുഖങ്ങളെ ഉള്പ്പെടുത്തി രണ്ടാം മോദി സര്ക്കാര് നാളെ സത്യപ്രതിജ്ഞ ചെയ്യും. നരേന്ദ്ര മോദിക്കൊപ്പം ബിജെപിയിലേയും എന്ഡിഎയിലേയും മുതിര്ന്ന നേതാക്കളും സത്യപ്രതിജ്ഞ ചെയ്യും.
ബംഗാളിലെ വിവിധ സംഭവങ്ങളിലായി കൊല്ലപ്പെട്ട ബിജെപി പ്രവര്ത്തകരുടെ കുടുംബങ്ങള്ക്ക് മോദിയുടെ സത്യപ്രതിജ്ഞാ ചടങ്ങിലേക്ക് ക്ഷണമുണ്ട്. മെയ് മുപ്പതിന് നടക്കുന്ന ചടങ്ങില് പശ്ചിമ ബംഗാള് മുഖ്യമന്ത്രി മമതാ ബാനര്ജിക്കും ക്ഷണമുണ്ട്. ക്ഷണം സ്വീകരിക്കുന്നതായി കഴിഞ്ഞ ദിവസം മമത പ്രതികരിക്കുകയും ചെയ്തിരുന്നു.
അതിനിടയിലാണ് തൃണമൂല് കോണ്ഗ്രസ് പ്രവര്ത്തകരുമായുള്ള സംഘര്ഷത്തില് കൊല്ലപ്പെട്ടവരുടെ കുടുംബങ്ങളെ ചടങ്ങില് പങ്കെടുപ്പിക്കാന് ബിജെപി ഒരുങ്ങുന്നത്. റിപ്പോര്ട്ട് പ്രകാരം 51 കുടുംബങ്ങളെയാണ് ചടങ്ങിലേക്ക് ക്ഷണിച്ചിരിക്കുന്നത്.
പാക് പ്രധാനമന്ത്രി ഇമ്രാന് ഖാന് ഒഴികെയുളള അയല്രാജ്യങ്ങളിലെ നേതാക്കള്ക്കെല്ലാം സത്യപ്രതിജ്ഞാ ചടങ്ങിലേക്ക് ക്ഷണമുണ്ട്. സാങ്കേതിക-സാമ്ബത്തിക സഹകരണത്തിനായുളള ബംഗാള് തീരത്തെ രാജ്യങ്ങളുടെ കൂട്ടായ്മയായ ബിംസ്റ്റെക്കിലെ അംഗങ്ങളെയെല്ലാം ചടങ്ങിന് ക്ഷണിച്ചിട്ടുണ്ട്. തായ്ലന്ഡ്, നേപ്പാള്, ഭൂട്ടാന്, മ്യാന്മര്, ശ്രീലങ്ക, ബംഗ്ലാദേശ് എന്നീ രാജ്യങ്ങളാണ് ബിംസ്റ്റെക് അംഗങ്ങള്.
ബംഗ്ലാദേശ് പ്രസിഡണ്ട് അബ്ദുള് ഹമീദ്, ശ്രീലങ്കന് പ്രസിഡണ്ട മൈത്രിപാല സിരിസേന, കിര്ഗിസ്ഥിസ്ഥാന് പ്രസിഡണ്ട് സൂറോണ്ബെ ബീന്ബെക്കോവ്, മ്യാന്മര് പ്രസിഡണ്ട് യു വിന് മിന്റ്, മൗറീഷ്യസ് പ്രധാനമന്ത്രി പ്രവിന്ദ് കുമാര് ജുഗ്നൗത്ത്, നേപ്പാള് പ്രധാനമന്ത്രി കെപി ശര്മ ഒലി, ഭൂട്ടാന് പ്രധാനമന്ത്രി ലൊട്ടായ് ഷെറിംഗ് എന്നീ രാഷ്ട്രത്തലവന്മാര് സത്യപ്രതിജ്ഞാ ചടങ്ങിന് എത്തും. തായ്ലന്ഡ് സര്ക്കാരിന്റെ പ്രതിനിധിയായി പ്രത്യേക ദൂതന് ഗ്രിസാഡ ബൂണ്റാച്ച് പങ്കെടുക്കും.
https://www.facebook.com/Malayalivartha
