വെള്ളം വറ്റിയ കിണര്, വെള്ളമില്ലാത്ത നഗരം... ഒരു ജനത മഴയ്ക്കായി പ്രാര്ത്ഥിക്കുന്നു; മഴയ്ക്ക് മാത്രമെ ചെന്നൈ നഗരത്തെ രക്ഷപ്പെടുത്താന് സാധിക്കൂ!! ചെന്നൈ നഗരത്തിന്റെ അവസ്ഥ ലോകത്തെ അറിയിച്ച് ടൈറ്റാനിക്കിലെ നായകന്
ചെന്നൈ നഗരത്തിന്റെ അവസ്ഥ ലോകത്തെ അറിയിച്ചിരിക്കുകയാണ് ഹോളിവുഡ് താരമായ ലിയനാര്ഡോ ഡികാപ്രിയോ. കുടിവെള്ളത്തിനായി കിണറിന് ചുറ്റും വട്ടംകൂടി നില്ക്കുന്ന സ്ത്രീകളുടെ ചിത്രം പങ്കുവച്ചാണ് ഡികാപ്രിയോ ഇന്സ്റ്റാഗ്രാം പോസ്റ്റ് ഇട്ടിരിക്കുന്നത്. നൂറ്റാണ്ട് കണ്ട ഏറ്റവും വലിയ വരള്ച്ചക്കാലത്തിലൂടെയാണ് തമിഴ്നാടും ചെന്നൈ നഗരവും കടന്നു പോകുന്നത്. ഒരു തുള്ളി ശുദ്ധജലത്തിനായി ആളുകള് നെട്ടോട്ടം ഓടുകയാണ്.
പോസ്റ്റിലൂടെ...
''മഴയ്ക്ക് മാത്രമെ ചെന്നൈ നഗരത്തെ ഈ അവസ്ഥയില് നിന്നും രക്ഷപെടുത്താന് സാധിക്കൂ... വെള്ളം വറ്റിയ കിണര്, വെള്ളമില്ലാത്ത നഗരം. പ്രധാനപ്പെട്ട നാല് ജലസ്രോതസ്സുകള് തീര്ത്തും വറ്റിയതോടെ ഇന്ത്യയിലെ തെക്കന് നഗരമായ ചെന്നൈ പ്രതിസന്ധി നേരിടുകയാണ്. ഗവണ്മെന്റ് കൊണ്ടുവരുന്ന വെള്ളം ലഭിക്കുന്നതിനായി ആളുകള് മണിക്കൂറുകളോളം കാത്തുനില്ക്കേണ്ട അവസ്ഥയാണുള്ളത്. വെള്ളം കിട്ടാനില്ലാതായതോടെ ഹോട്ടലുകളും മറ്റു സ്ഥാപനങ്ങളും അടച്ചുതുടങ്ങി, മെട്രോയില് എയര് കണ്ടീഷന് പ്രവര്ത്തനം നിര്ത്തുകയും ചെയ്തു. അധികാരികള് വെള്ളത്തിനായി മറ്റുമാര്ഗ്ഗങ്ങള് തേടുന്നു. ഒരു ജനത മഴയ്ക്കായി പ്രാര്ത്ഥിക്കുന്നു.''
https://www.facebook.com/Malayalivartha