ലിഫ്റ്റ് ചോദിച്ച് യുവതിയുടെ സ്‌കൂട്ടറില്‍ കയറിയ വയോധികന്‍ പിന്നിലിരുന്ന് യുവതിയെ മാനഭംഗപ്പെടുത്താന്‍ ശ്രമിച്ചു
05 AUGUST 2019 12:38 PM IST
മലയാളി വാര്‍ത്ത
മുംബൈയിലെ അന്ദേരിയില്‍ ലിഫ്റ്റ് ചോദിച്ച് സ്‌കൂട്ടറില്‍ കയറിയ വയോധികന്‍ യുവതിയെ മാനഭംഗപ്പെടുത്താന്‍ ശ്രമിച്ചു. 65-കാരനായ അന്ദേരി സ്വദേശി അരുണ്‍ അഗര്‍വാളിനെ പോലീസ് അറസ്റ്റ് ചെയ്തു. വെള്ളിയാഴ്ചയാണ് സംഭവം ഉണ്ടായത്.
വെള്ളിയാഴ്ച രാവിലെ ഒമ്പത് മണിയോടെ അന്ധേരി റെയില്‍വേ സ്റ്റേഷനിലെത്തിയ പ്രതി മഴയായതിനാല്‍ മറ്റ് വണ്ടികള്‍ ഒന്നും കിട്ടുന്നില്ലെന്ന് പറഞ്ഞ് 22-കാരിയായ യുവതിയോട് ലിഫ്റ്റ് ചോദിക്കുകയായിരുന്നു. ഇതോടെയാണ് യുവതി ഇയാളെ സ്‌കൂട്ടറില്‍ കയറ്റാന്‍ തയ്യാറായത്.
എന്നാല്‍ യാത്രക്കിടെ അരുണ്‍ യുവതിയെ മോശമായ രീതിയില്‍ സ്പര്‍ശിച്ചു. യുവതി ഉടന്‍ സ്‌കൂട്ടര്‍ നിര്‍ത്തി നിലവിളിച്ചു. ഈ സമയം സ്‌കൂട്ടറില്‍ നിന്നിറങ്ങി അരുണ്‍ രക്ഷപ്പെടാന്‍ ശ്രമിച്ചു. എന്നാല്‍ യുവതിയുടെ ശബ്ദം കേട്ട് ഓടിക്കൂടിയവര്‍ ഇയാളെ പിടികൂടി പോലീസില്‍ ഏല്‍പ്പിക്കുകയായിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
