രണ്ടു വര്ഷമായി പീഡിപ്പിച്ചു കൊണ്ടിരുന്ന മകള് എതിര്ത്തപ്പോള് പിതാവ് കൊന്നുതള്ളി
ഉത്തര്പ്രദേശിലെ ഗൊരഖ്പുരില് മകളെ കൊലപ്പെടുത്തിയ അച്ഛനെ പോലീസ് അറസ്റ്റ് ചെയ്തു. പത്തൊമ്പത് വയസ്സുള്ള മകളെ കഴിഞ്ഞ രണ്ട് വര്ഷമായി ഇയാള് പീഡിപ്പിച്ചു വരികയായിരുന്നു. കഴിഞ്ഞ ജൂലൈ 26-ന് പീഡനശ്രമം ചെറുത്തതിനെ തുടര്ന്നാണ് മകളെ കൊലപ്പെടുത്തിയത്.
രക്ഷാബന്ധന് ദിനത്തില് തന്നെ കാണാന് സഹോദരി എത്താത്തതിനെ തുടര്ന്ന് പെണ്കുട്ടിയുടെ മൂത്തസഹോദരി നടത്തിയ അന്വേഷണത്തിലാണ് ജയ് പ്രകാശ് ഗുപ്ത എന്നയാള് പിടിയിലായത്. പീഡനശ്രമം ചെറുത്തതിനെ തുടര്ന്ന് കഴുത്തറുത്ത് മകളെ കൊലപ്പെടുത്തുകയായിരുന്നു എന്ന് ഗുപ്ത സമ്മതിച്ചു. വെള്ളിയാഴ്ചയാണ് ഇയാളുടെ അറസ്റ്റ് രേഖപ്പെടുത്തിയത്.
പെണ്കുട്ടിയുടെ ശിരസ് മറവ് ചെയ്യുകയും ബാക്കി ഭാഗങ്ങള് വിജനപ്രദേശങ്ങളില് എറിഞ്ഞു കളഞ്ഞുവെന്നും ചോദ്യം ചെയ്യലില് ഇയാള് സമ്മതിച്ചു. ശരീരഭാഗങ്ങള് പൊലീസ് കണ്ടെടുത്തു. ജയ്പ്രകാശ് ഗുപ്തയ്ക്കെതിരെ കൊലപാതകത്തിനും മാനഭംഗത്തിനും കേസെടുത്തു.
പതിനഞ്ചു വര്ഷം മുന്പ് പെണ്കുട്ടികളുടെ അമ്മ മരിച്ച് പോയതോടെയാണ് കുട്ടികളുടെ ദുരിതം ആരംഭിച്ചത്. കഴിഞ്ഞ രണ്ട് വര്ഷത്തിനിടെ പല തവണ ഇയാള് മകളെ പീഡിപ്പിച്ചു. ഒടുവില് പീഡനം തടയാന് ശ്രമിച്ച മകളെ ദാരുണമായി കൊലപ്പെടുത്തുകയായിരുന്നു.
2015-ല് മൂത്ത സഹോദരിയുടെ വിവാഹം കഴിഞ്ഞതോടെയാണ് ഇളയമകളെ ഇയാള് ലൈംഗികമായി ഉപയോഗിക്കാന് തുടങ്ങിയത്. തന്നെ കാണാന് സഹോദരി എത്താത്തതിനെ തുടര്ന്ന് അന്വേഷിച്ച മൂത്ത മകളോടാണ് ഇളയവളെ കൊല ചെയ്ത വിവരം പ്രതി പറഞ്ഞത്. തുടര്ന്ന് പൊലീസ് സ്റ്റേഷനിലെത്തി പെണ്കുട്ടി പരാതി നല്കുകയായിരുന്നു.
https://www.facebook.com/Malayalivartha