'കുടുക്ക്' പാട്ടിന്കിടിലൻ ഡാന്സുമായി പള്ളീലച്ചൻ; വീഡിയോ വൈറൽ
ധ്യാന് ശ്രീനിവാസന് സംവിധാനം ചെയ്ത് നിവിന് പോളിയും നയന്താരയും പ്രധാനവേഷങ്ങളിലെത്തിയ 'ലവ് ആക്ഷന് ഡ്രാമ' എന്ന ചിത്രത്തിലെ 'കുടുക്ക് പൊട്ടിയ കുപ്പായം' എന്ന പാട്ടാണ് ഇപ്പോള് തരംഗം. ഓരോ കാലഘട്ടത്തിലും ഇറങ്ങുന്ന സിനിമാ പാട്ടുകള് പ്രേക്ഷകരെ ഹരം കൊള്ളിക്കുന്നത്പോലെതന്നെ ഈ പാട്ടും പ്രേക്ഷകർ ഏറ്റെടുത്ത് കഴിഞ്ഞു.
എന്നാൽ സോഷ്യൽ വീഡിയയിൽ വൈറൽ ആയിരിക്കുകയാണ് 'കുടുക്ക്' പാട്ടിന് കിടിലൻ ചുവടുകളുമായി തരംഗമാകുന്നു ഒരു പുരോഹിതന്. ദില്ലിയില് വൈദികനായ മാത്യു കിഴക്കേച്ചിറയാണ് ഒരു മിനിറ്റ് 11 സെക്കന്റുള്ള വീഡിയോയില് കിടിലൻ ഡാന്ഡുമായെത്തുന്നത്. മൂന്ന് പേരുള്ള സംഘത്തില് നൃത്തം ചെയ്യുന്ന അച്ഛന്റെ വീഡിയോ സാമൂഹ്യ മാധ്യമങ്ങളിലൂടെയാണ് പ്രചരിച്ചത്.
രാജേഷ് ജോസഫ് എന്നയാളാണ് സോഷ്യല് മീഡിയയില് ഈ വീഡിയോ ആദ്യം പങ്കുവെച്ചിരുന്നത്. പിന്നീട് നിവിന് പോളി ആക്ടര് എന്ന ഇന്സ്റ്റഗ്രാം പേജിലും ഇത് പങ്കുവെക്കപ്പെടുകയുണ്ടായി. ഇത് ഔദ്യോഗിക പേജാണോ എന്ന് വ്യക്തമല്ല.
കുടുക്ക് സോങ് എന്ന പേരില് പുറത്തിറങ്ങിയ ഈ ഗാനത്തിന്റെ വരികള് എഴുതിയിരിക്കുന്നത് മനു മഞ്ജിത്താണ്. ഷാന് റഹ്മാന് സംഗീതം നല്കിയ ഗാനം ആലപിച്ചിരിക്കുന്നത് വിനീത് ശ്രീനിവാസനാണ്.
https://www.facebook.com/Malayalivartha