സ്വാതന്ത്രം കിട്ടിയിട്ട് ഇത്രയും നാളായിട്ടും ഇതുവരെ വൈദ്യുതിയോ, റോഡോ ഒന്നും ഇല്ലാതിരുന്ന ഒരു ഗ്രാമം ആണ് രജൗരി .  ഈ ഗ്രാമത്തില്‍ ഇപ്പോള്‍ വൈദ്യുതിയും റോഡുമെത്തികഴിഞ്ഞതിന്റെ സന്തോഷത്തിലാണ് ഗ്രാമീണർ .
കേന്ദ്രസര്‍ക്കാറിന്റെ സൗഭാഗ്യ വൈദ്യുത പദ്ധതിയുടെ ഭാഗമായാണ്  കശ്മീരിലെ അതിര്‍ത്തിഗ്രാമമായ രജൗറിയിലെ മുഴുവന്‍ വീടുകളിലും വെളിച്ചമെത്തിയത്  . ജീവിതത്തിലാദ്യമായിട്ടാണ് രാത്രിയില്‍ ബള്‍ബുകള്‍ പ്രകാശിക്കുന്നതെന്ന് രജൗറി ഗ്രാമവാസികള്‍ ആഹ്ലാദത്തോടെ പറഞ്ഞു.
രാജ്യത്തെ എല്ലാ വീടുകളിലും വൈദ്യുതി ഉറപ്പാക്കുന്നതിനായി പ്രധാനമന്ത്രി നരേന്ദ്ര മോദി പ്രഖ്യാപിച്ചതാണ് സൗഭാഗ്യ വൈദ്യുത പദ്ധതി
രജൗറി ഗ്രാമത്തിലെ 20,300 വീടുകളിലേക്കും പ്രകാശമെത്തിയിരിക്കുകയാണ്. സ്വതന്ത്രഭാരതത്തില്‍ ജമ്മുകശ്മീര്‍ മേഖലയിലെ അതിര്‍ത്തിഗ്രാമങ്ങളെ എത്തരത്തിലാണ് അവഗണിച്ചതെന്നതിന് ഏറ്റവും വേദനാജനകമായ ഉദാഹരണമായിരുന്നു രജൗറിയെന്ന് അതിര്‍ത്തിയിലെ സൈനികര്‍ വ്യക്തമാക്കി. വെദ്യുതപദ്ധതിക്കായി ഗ്രാമത്തിലെ എല്ലാ വീടുകളിലേയ്ക്കും വൈദ്യുതി യുദ്ധകാലാടിസ്ഥാനത്തിലാണ് എത്തിച്ചത.നിലവില്‍ 4 ട്രാന്‍സ്‌ഫോര്‍മറുകളും സ്ഥാപിച്ചുകഴിഞ്ഞു. ജില്ലാ മേധാവി മുഹമ്മദ് ഇജാസ് ആസാദ് മാധ്യമങ്ങളോട് പറഞ്ഞു.സുപ്രധാനമായ പാക് അതിര്‍ത്തി പങ്കിടുന്ന രജൗറി മേഖലയുടെ പിന്നാക്കാവസ്ഥയാണ് വൈദ്യുതി വന്നതിന് ശേഷം മാറാന്‍പോകുന്നതെന്നും ആസാദ് പ്രതീക്ഷ പ്രകടിപ്പിച്ചു.
‘ഞങ്ങള്‍ വളരെ സന്തോഷവാന്മാരാണ്.വീടുകളിലെല്ലാം തൂവെള്ള പ്രകാശം നിറഞ്ഞിരിക്കുന്നു.കുട്ടികള്‍ക്കാണ് ഏറെ സന്തോഷം. എല്ലാവര്‍ക്കും രാത്രിയിലും പഠിക്കാനാകുമെന്ന വലിയ സന്തോഷത്തിലാണ്.ഞങ്ങള്‍ക്ക് ഇനി കച്ചവടങ്ങളും സ്ഥാപനങ്ങളും തുടങ്ങാനാകും.പുതിയ വ്യവസായങ്ങള്‍ക്കും കൃഷിക്കും ഇനി വൈദ്യുതി കിട്ടും.’ ഗ്രാമത്തലവനായ ഖാദിം ഹുസൈന്‍ ഏറെ സന്തോഷത്തോടെ പറഞ്ഞു.
370-ാം വകുപ്പ് പ്രകാരം ജമ്മു കാശ്‌മീരിന് നൽകിവന്ന പ്രത്യേക പദവി റദ്ദാക്കിയതിനെ തുടർന്ന് ഭീകരപ്രവർത്തനവും വിഘടനവാദവും തുടച്ചുനീക്കി ഭൂമിയിലെ സ്വർഗമായി ഈ നാടിനെ വീണ്ടെടുക്കുമെന്നു പ്രധാനമന്ത്രി പറഞ്ഞിരുന്നു. ലോകത്തിലെ ഏറ്റവും വലിയ വിനോദ സഞ്ചാര കേന്ദ്രമായി  കാശ്മീരിനെ മാറ്റുമെന്നും അടിസ്ഥാന സൗകര്യങ്ങൾ ഇവിടെ എത്തിക്കുമെന്നും മോദി ജനങ്ങൾക്ക് ഉറപ്പ് നൽകിയിട്ടുണ്ട്. ഇതിന്റെ കൂടി ഭാഗമാണ് ഇപ്പോൾ കാശ്മീരിൽ എല്ലാ ഗ്രാമങ്ങളിലും വെള്ളവും വെളിച്ചവും എത്തിയത്.