കുഴക്കിണറില് വീണ രണ്ടര വയസുകാരനെ രക്ഷിക്കാനുള്ള ശ്രമത്തിനിടെ പാറയില് ഇളക്കം തട്ടിയതിനെതുടര്ന്ന് കുട്ടി കൂടുതല് താഴ്ചയിലേക്ക് വീണത് ആശങ്കയില്.... കുട്ടി 25 അടിയില് നിന്ന് 68 അടി താഴ്ചയിലേക്ക് കുടുങ്ങിക്കിടക്കുന്നു... കുട്ടിയെ രക്ഷിക്കാന് ദേശീയ ദുരന്ത നിവാരണ സേനയുടെ സഹായം തേടി, പ്രാര്ത്ഥനോടെ തമിഴകം
തമിഴ്നാട്ടിലെ തിരുച്ചിറപ്പള്ളിയില് കുഴക്കിണറില് വീണ രണ്ടര വയസുകാരനെ രക്ഷിക്കാനുള്ള ശ്രമം തുടരുന്നു. രക്ഷാപ്രവര്ത്തനത്തിനിടെ പാറയില് ഇളക്കം തട്ടിയതിനെതുടര്ന്ന് കുട്ടി കൂടുതല് താഴ്ചയിലേക്ക് വീണത് ആശങ്കയുണ്ടാക്കി. നേരത്തെ 25 അടി താഴ്ചയിലായിരുന്നു കുട്ടി ഇപ്പോള് 68 അടി താഴ്ച്ചയിലാണ് കുടുങ്ങിക്കിടക്കുന്നത്. കുട്ടിയെ രക്ഷിക്കാന് ദേശീയ ദുരന്ത നിവാരണ സേനയുടെ സഹായം തേടിയിട്ടുണ്ട്. വെള്ളിയാഴ്ച വൈകീട്ട് അഞ്ചരയോടെയാണ് വീടിന് സമീപം കളിക്കുകയായിരുന്ന കുഞ്ഞ് കാല്വഴുതി കുഴല് കിണറിലേക്ക് വീണത്. കരച്ചില് കേട്ട് എത്തിയ അച്ഛനും അമ്മയുമാണ് കുഴല്കിണറില് കുഞ്ഞ് വീണതായി മനസിലാക്കിയത്.
രണ്ട് കൈകളും മുകളിലേക്ക് ഉയര്ത്തിയ നിലയിലായിരുന്നു കുട്ടി. അതിനാല് കൈകളിലൂടെ കുരുക്കിട്ട് മുകളിലേക്ക് ഉയര്ത്താനാണ് വിദഗ്ധര് ശ്രമിച്ചത്. മധുരയില് നിന്നെത്തിയ വിദഗ്ധ സംഘമാണ് രക്ഷാ പ്രവര്ത്തനത്തിന് നേതൃത്വം നല്കുന്നത്. മെഡിക്കല് സംഘം അടക്കം അത്യാധുനിക സൗകര്യങ്ങളുള്ള ആംബുലന്സും സ്ഥലത്ത് എത്തിച്ചിട്ടുണ്ട്.
https://www.facebook.com/Malayalivartha