വാറ്റ് നിയമം... സര്‍ക്കാര്‍ നടപടിയില്‍ പ്രതിഷേധിച്ച് ഒക്ടോബര്‍ 29ന് വ്യാപാരികള്‍ സംസ്ഥാന വ്യാപകമായി കടകളടച്ച് പണിമുടക്കുന്നു
ഒക്ടോബര്‍ 29ന് സംസ്ഥാന വ്യാപകമായി കടകളടച്ച് പണിമുടക്കി ജില്ലാ കലക്‌ട്രേറ്റുകളിലേക്കും തിരുവനന്തപുരത്ത് സെക്രട്ടറിയേറ്റിലേക്കും പ്രതിഷേധ മാര്‍ച്ചും ധര്‍ണയും നടത്തും. വാറ്റ് നിയമത്തിന്റെ മറവില്‍ വ്യാപാരികളെ പീഡിപ്പിച്ച് ആത്മഹത്യയിലേക്ക് തള്ളിവിടുന്ന സര്‍ക്കാര്‍ നടപടിയില്‍ പ്രതിഷേധിച്ചാണ് പണിമുടക്ക്. മാവേലിക്കര താലൂക്കിലെ ചെറുകിട വ്യാപാരിയായ ജീവന്‍ ആത്മഹത്യയ്ക്ക് ശ്രമിച്ച് ആലപ്പുഴ മെഡിക്കല്‍ കോളേജില്‍ ചികിത്സയിലാണ്. വരും നാളുകളില്‍ സംസ്ഥാനത്ത് ആത്മഹത്യകളുടെ എണ്ണം വര്‍ദ്ധിക്കും. ഖജനാവിലേക്ക് വരുമാനമുണ്ടാക്കാന്‍ സര്‍ക്കാര്‍ നടത്തുന്ന ഹീനമായ നടപടിയില്‍ നിന്ന് പിന്മാറിയില്ലെങ്കില്‍ അനിശ്ചിതകാലത്തേക്ക് സ്ഥാപനങ്ങള്‍ അടച്ചിട്ട് കൊണ്ട് വ്യാപാരികള്‍ ഒന്നടങ്കം തെരുവിലിറങ്ങുമെന്ന് കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി നസീറുദ്ദീനും ജനറല്‍ സെക്രട്ടറി രാജു അപ്‌സരയും മുന്നറിയിപ്പ് നല്‍കി.
https://www.facebook.com/Malayalivartha
