ബെംഗളൂരുവിലാണ് നാടിനെ ഞെട്ടിപ്പിച്ച സംഭവമുണ്ടായത്. മോഷണം നടത്തുന്നതിനിടെ വീട്ടുടമസ്ഥര്‍ എത്തിയതിനെ തുടര്‍ന്ന് കള്ളന്‍ ആത്മഹത്യയ്ക്ക് ശ്രമിച്ചു. വിഭൂതിപുരയില്‍ താമസിക്കുന്ന സ്വാസ്ത്വിക്കാണ് (27) ആത്മത്യയ്ക്ക് ശ്രമിച്ചത്. ശരീരത്തില്‍ 20% പൊള്ളലേറ്റ് സ്വാസ്ത്വിക്കിലെ അടുത്തുള്ള വിക്ടോറിയ ആശുപത്രിയില്‍ പ്രവേശിപ്പിച്ചു. വീട്ടുടമസ്ഥര്‍ സ്ഥലത്തെത്തിയെന്ന് മനസ്സിലായതോടെ പെട്ടെന്ന് സീലിങ് ഫാനിനു മുകളില്‍ തൂങ്ങിമരിക്കാന്‍ ശ്രമിച്ചു. എന്നാല്‍ അത് പരാജയപ്പെടുകയും തുടര്‍ന്ന് ഗ്യാസ് സിലിണ്ടര്‍ തുറന്ന് തീ കൊളുത്തുകയുമായിരുന്നു.

സംഭവത്തില്‍ വീട്ടുടമസ്ഥര്‍ പൊലീസില്‍ പരാതി നല്‍കിയിട്ടുണ്ട്. ബുധനാഴ്ച്ച വൈകുന്നേരം വീട്ടുടമസ്ഥന്റെ ഭാര്യ വീടിന്റെ മുന്‍വശം വൃത്തിയാക്കുന്നതിനിടയിലാണ് ഇയാള്‍ വീടിനുള്ളില്‍ കടന്നുകൂടിയത്. പിന്നീട് വീട്ടുടമസ്ഥനും കുടുംബവും ക്ഷേത്രത്തില്‍ പോയപ്പോള്‍ വിലപിടിപ്പുള്ള വസ്തുക്കള്‍ മോഷ്ടിച്ച് കടന്നുകളയാനായിരുന്നു ശ്രമം. എന്നാല്‍ പ്രതീക്ഷിക്കാതെ വീട്ടുടമസ്ഥനും കുടുംബവും വീട്ടില്‍ തിരിച്ചെത്തുകയായിരുന്നു.

വീട്ടുടമസ്ഥനും കുടുംബവും എത്തിയത് ശ്രദ്ധയില്‍പ്പെട്ട കള്ളന്‍ ഹാളിലുള്ള ഫാനില്‍ കെട്ടിത്തൂങ്ങാന്‍ ശ്രമം നടത്തി. അത് പരാജയപ്പെട്ടപ്പോള്‍ അടുക്കളയിലെത്തി ഗ്യാസ് സിലിണ്ടര്‍ തുറന്നിട്ട് ലൈറ്റര്‍ കത്തിക്കുകയുമായിരുന്നു. വീട്ടുടമസ്ഥന്‍ എത്തിയ ഉടനെ സ്വാസ്ത്വിക് കത്തുത്തതാണ് കണ്ടത്. ഉടനെ തന്നെ പൊലീസിനെ വിവരമറിയിക്കുകായായിരുന്നു. സംഭവത്തില്‍ വിഭൂതിപുര പോലീസ് കേസെടുത്തിട്ടുണ്ട്.