പ്രതിഷേധങ്ങള്‍ക്കൊടുവില്‍ ജനപ്രിയ കേരള വിഭവങ്ങളും ലഘുഭക്ഷണങ്ങളും മുമ്പത്തെ പോലെ തുടര്‍ന്നും റെയില്‍വേയില്‍ ലഭ്യമാക്കുമെന്ന് ഐ.ആര്‍.സി.ടി.സി. കേരള വിഭവങ്ങള്‍ റെയില്‍വേ മെനുവില്‍ നിന്ന് ഒഴിവാക്കിയതിനെതിരെ വ്യാപക പ്രതിഷേധം ഉയര്‍ന്നിരുന്നു. ഇതിന് പിന്നാലെയാണ് കേരളാ വിഭവങ്ങള്‍ പുനഃസ്ഥാപിച്ചത്. പുട്ട്, കടലക്കറി, മുട്ടക്കറി, അപ്പം, പൊറോട്ട, പഴംപൊരി, ഇലയട, കൊഴുക്കട്ട, ഉണ്ണിയപ്പം, നെയ്യപ്പം, സുഖിയന്‍ തുടങ്ങിയ വിഭവങ്ങള്‍ തുടര്‍ന്നും ട്രെയിനുകളിലും റെയില്‍വേ സ്റ്റേഷനുകളിലും ലഭ്യമാകും. ഈ വിഭവങ്ങള്‍ക്ക് പകരമായിട്ട് ഉത്തരേന്ത്യന്‍ വിഭവങ്ങളായിരുന്നു നേരത്തെ പുറത്തിറക്കിയ പട്ടികയിലുണ്ടായിരുന്നത്.

യാത്രക്കാരുടെ ആവശ്യങ്ങളും പ്രദേശിക മുന്‍ഗണനയും കണക്കിലെടുത്ത് കൂടുതല്‍ ഭക്ഷണങ്ങള്‍ ഉള്‍പ്പെടുത്താനും തീരുമാനമായി.