ഏഴ് കുട്ടികളുടെ അമ്മയും ഏഴ് കൊച്ചുമക്കളുടെ അമ്മുമ്മയുമായ 60കാരിയ്ക്ക് പ്രണയം 22കാരനോട്; ഭര്ത്താവും മകനും യുവാവിനെതിരെ രംഗത്ത് വന്നതോടെ പിന്മാറാന് തയ്യാറാകാതെ കമിതാക്കൾ; പ്രണയം അസ്ഥിക്ക് പിടിച്ചതോടെ പിന്നെ സംഭവിച്ചത് മറ്റൊന്ന്...
വളരെ വ്യത്യസ്തമായൊരു സംഭവമാണ് ആഗ്രയിൽ നടന്നത്. 60കാരിയെ പ്രണയിച്ച 22 കാരനെതിരെ പോലീസ് കേസ്. ആഗ്രയിലെ എത്മദുദ്ദൗല പോലീസ് സ്റ്റേഷനിലാണ് വേറിട്ട കേസ് രജിസ്റ്റര് ചെയ്തിരിക്കുന്നത്. പ്രണയത്തില് നിന്ന് പിന്മാറാന് യുവാവ് തയ്യാറാകാത്തതോടെ 'പ്രദേശത്തെ സമാധാന അന്തരീക്ഷം തകര്ത്തുവെന്ന' കുറ്റം ചുമത്തിയാണ് കേസെടുത്തിരിക്കുന്നത്.60കാരിയുടെ ഭര്ത്താവും മകനുമാണ് യുവാവിനെതിരെ പരാതിയുമായി വ്യാഴാഴ്ച എത്തിയത്. ഇതേസമയം തന്നെ യുവാവും തന്റെ വീട്ടുകാരെയും കൂട്ടി പോലീസ് സ്റ്റേഷനിലെത്തി. ഇതോടെ രണ്ടു കുടുംബങ്ങളും തമ്മില് സ്റ്റേഷനില് ഏററ്ുമുട്ടി. ഇതിനിടെ തങ്ങള് വിവാഹിതരാകാന് പോകുകയാണെന്ന് സ്ത്രീയും യുവാവും വ്യക്തമാക്കി. ഏഴ് കുട്ടികളുടെ അമ്മയാണ് പ്രണയിനി. ഏഴ് കൊച്ചുമക്കളും ഇവര്ക്കുണ്ട്. ആഗ്രയിലെ പ്രകാശ് നഗറിലാണ് ഇവര് താമസിക്കുന്നത്. പ്രണയത്തില് നിന്ന് പിന്മാറാന് ഇരുവരും തയ്യാറാകാതെ വന്നതോടെ യുവാവിനെതിരെ പോലീസ് കേസ് രജിസ്റ്റര് ചെയ്യുകയായിരുന്നു.
https://www.facebook.com/Malayalivartha