ഇന്ത്യയെ അപമാനിച്ച ആ വിവാദ ഡോക്യുമെന്ററി യൂട്യൂബ് പിന്‍വലിച്ചു. ബിബിസിയും ഇപ്പോള്‍ ഇന്ത്യയുടെ പക്ഷത്താണ്. പക്ഷെ നിര്‍ഭാഗ്യമെന്ന് പറയട്ടെ, എന്ത് വന്നാലും അത് തങ്ങള്‍ക്കൊന്നും ബാധകമല്ലെന്ന മട്ടിലുള്ള ചില ഓണ്‍ലൈന്‍ മാധ്യമങ്ങളും സോഷ്യല്‍ മീഡിയകളും ആ ഡോക്യമെന്ററി വീണ്ടും കാണിക്കുകയാണ്. രാജ്യം ഒറ്റക്കെട്ടായി എതിര്‍ക്കുന്ന ഈ കാര്യത്തിലെങ്കിലും ഒന്നിച്ച് നില്‍ക്കേണ്ടേ...
അതേസമയം ഇന്ത്യയുടെ നിര്‍ദേശം ലംഘിച്ച് ഡല്‍ഹി കൂട്ടമാനഭംഗത്തെക്കുറിച്ചുള്ള ഡോക്യുമെന്ററി സംപ്രേഷണം ചെയ്തതിന് ബിബിസിക്കെതിരെ കേന്ദ്രസര്‍ക്കാര്‍ നോട്ടീസ് അയച്ചു. വ്യവസ്ഥകള്‍ ലംഘിച്ച് ഇന്ത്യയുടെ മകള്‍ എന്ന ഡോക്യുമെന്ററി ബിബിസി സംപ്രേഷണം ചെയ്തതിനാണ് നോട്ടീസ്. 
പഠന ആവശ്യത്തിനെന്നു പറഞ്ഞാണ് ചിത്രീകരണം നടത്തിയത്. എന്നിട്ട്, വാണിജ്യ ആവശ്യത്തിനു വേണ്ടി അത് ഉപയോഗിച്ചെന്നും കേന്ദ്ര സര്‍ക്കാര്‍ ആരോപിച്ചു. ഇന്ത്യയുടെ നിര്‍ദേശം അവഗണിച്ച ബിബിസിക്കെതിരെ നടപടിയെടുക്കുമെന്ന് കേന്ദ്ര ആഭ്യന്തരമന്ത്രി രാജ്‌നാഥ് സിങ് പറഞ്ഞിരുന്നു.
പ്രതിയുടെ അഭിമുഖം അടങ്ങിയ വിവാദ ഡോക്യുമെന്ററി കൂടുതല്‍ പേര്‍ കാണുന്നത് തടയാനുള്ള ശ്രമങ്ങളും കേന്ദ്രസര്‍ക്കാര്‍ ആരംഭിച്ചിട്ടുണ്ട്. അതിനിടെ, വിവാദ ഡോക്യുമെന്ററി യൂ ട്യൂബില്‍ നിന്ന് നീക്കം ചെയ്തു. ഡോക്യുമെന്ററി യു ട്യൂബില്‍ നിന്ന് നീക്കണമെന്ന് കേന്ദ്രസര്‍ക്കാര്‍ ആവശ്യപ്പെട്ടിരുന്നു. എന്നാല്‍ പൂര്‍ണ്ണ ഉത്തവാദിത്വത്തോടെയാണ് ഡോക്യുമെന്ററി സംപ്രേഷണം ചെയ്തതെന്നും ഇന്ത്യയില്‍ ഇത് സംപ്രേക്ഷണം ചെയ്യില്ലെന്നും ബിബിസി അറിയിച്ചു. 
ഡല്‍ഹി കൂട്ടമാനഭംഗത്തെക്കുറിച്ചുള്ള വിവാദ ഡോക്യുമെന്ററി ഇന്ത്യയുടെ മകള്‍ ഇന്ത്യന്‍ സമയം പുലര്‍ച്ചെ മൂന്നരയ്ക്കാണ് യുകെയില്‍ ബിബിസി സംപ്രേക്ഷണം ചെയ്തത്. എട്ടുമിനിറ്റ് ദൈര്‍ഘ്യമുള്ള ഡോക്യുമെന്ററിയാണ് സംപ്രേക്ഷണം ചെയ്തത്. രാജ്യന്തര വനിതാ ദിനമായ എട്ടിന് ഇന്ത്യയിലടക്കം ഏഴുരാജ്യങ്ങളില്‍ ഡോക്യുമെന്ററി സംപ്രേക്ഷണം ചെയ്യാനായിരുന്നു നേരത്തെ നിശ്ചയിച്ചിരുന്നത്. വിവാദങ്ങളുടെയും ഇന്ത്യയിലെ നിരോധനത്തിന്റെയും പശ്ചാത്തലത്തില്‍ ഇത് നേരത്തെയാക്കുകയായിരുന്നു. 
ഡോക്യുമെന്ററിയില്‍ പീഡനത്തിരയായ പെണ്‍കുട്ടിയെക്കുറിച്ചും സ്ത്രീകളെക്കുറിച്ചും കേസിലെ പ്രതികളിലൊരാളായ മുകേഷ് സിങ്ങ് നടത്തിയ മനുഷത്വരഹിതമായ പരാമര്‍ശങ്ങളാണ് വിവാദത്തിന് വഴിവെച്ചത്. മുകേഷ് സിങ്ങിന്റെ പരാമര്‍ശത്തെ ഐക്യരാഷ്ട്രസഭാ സെക്രട്ടറി ജനറല്‍ ബാന്‍ കി മൂണും അപലപിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha