ഏഴുമാസം പ്രായമുള്ള കുട്ടിയുടെ പിതാവിന്റെ പ്രണയാഭ്യര്ത്ഥന നിരസിച്ചതിന്റെ പേരില് കോളേജ് അധ്യാപികയെ പെട്രോളൊഴിച്ച് തീകൊളുത്തി കൊലപ്പെടുത്തി: രണ്ടു വര്ഷത്തോളമായി യുവതിയെ ശല്യംചെയ്തുവരികയായിരുന്ന യുവാവും മുമ്പ് ആത്മഹത്യക്ക് ശ്രമിച്ചിരുന്നതായി ബന്ധുക്കള്
യുവ കോളജ് അധ്യാപികയെ പ്രണയാഭ്യര്ഥന നിരസിച്ചതിന്റെ പേരില് വിവാഹിതനായ യുവാവ് പെട്രോള് ഒഴിച്ചുകത്തിച്ചു. മഹാരാഷ്ട്രയിലെ വാര്ധയില് നടന്ന സംഭവത്തില് ഗുരുതരമായി പൊള്ളലേറ്റ് ചികിത്സയിലായിരുന്ന യുവതി തിങ്കളാഴ്ച മരണത്തിന് കീഴടങ്ങി. ഇരുപത്തിയഞ്ചുകാരിയായ കോളജ് അധ്യാപികയ്ക്കു നേരെയാണ് ക്രൂരത അരങ്ങേറിയത്. സംഭവത്തില് വിവാഹിതനും ഏഴുമാസം പ്രായമുള്ള കുട്ടിയുടെ പിതാവായ
അക്രമി വിക്കി നഗ്രാലിനെ പോലീസ് അറസ്റ്റ് ചെയ്തു.
ബൈക്കിലെത്തിയ ഇയാള് യുവതിയുടെ ശരീരത്തില് പെട്രോളൊഴിച്ച് തീകൊളുത്തുകയായിരുന്നു. 40 ശതമാനം പൊള്ളലേറ്റ യുവതി നാഗ്പുരിലെ സ്വകാര്യാശുപത്രിയില് ചികിത്സയിലായിരുന്നെങ്കിലും മരണത്തിന് കീഴടങ്ങകയായിരുന്നു. രണ്ടു വര്ഷത്തോളമായി വിക്കി യുവതിയെ ശല്യംചെയ്തുവരികയായിരുന്നു. കഴിഞ്ഞ വര്ഷം ഇയാള് ജീവനൊടുക്കാന് ശ്രമിച്ചിരുന്നു. യുവതിക്കെതിരായ ആക്രമണത്തെ തുടര്ന്ന് സ്ഥലത്ത് വലിയ സംഘര്ഷം ഉണ്ടായിരുന്നു.
https://www.facebook.com/Malayalivartha
