ഡല്‍ഹി മുഖ്യമന്ത്രിയായി ആം ആദ്മി പാര്‍ട്ടി ദേശീയ കണ്‍വീനര്‍ അരവിന്ദ് കേജരിവാള്‍ ഇന്നു മൂന്നാം തവണയും സത്യപ്രതിജ്ഞ ചെയ്ത് അധികാരമേല്‍ക്കും... സത്യപ്രതിജ്ഞയ്ക്കുള്ള ഒരുക്കങ്ങള്‍ എല്ലാം പൂര്‍ത്തിയായെന്ന് പാര്‍ട്ടിവൃത്തങ്ങള്‍... സത്യപ്രതിജ്ഞ മുന്നില്‍ കണ്ട് സംസ്ഥാനത്തിന്റെ വിവിധ ഭാഗങ്ങളില്‍ കനത്ത സുരക്ഷയാണ് ഒരുക്കിയിക്കുന്നത്
ഡല്‍ഹി മുഖ്യമന്ത്രിയായി ആം ആദ്മി പാര്‍ട്ടി ദേശീയ കണ്‍വീനര്‍ അരവിന്ദ് കേജരിവാള്‍ ഇന്നു മൂന്നാം തവണയും സത്യപ്രതിജ്ഞ ചെയ്ത് അധികാരമേല്‍ക്കും. സത്യപ്രതിജ്ഞയ്ക്കുള്ള ഒരുക്കങ്ങള്‍ എല്ലാം പൂര്‍ത്തിയായെന്ന് പാര്‍ട്ടിവൃത്തങ്ങള്‍ അറിയിച്ചു. കേജരിവാളിനെ മുഖ്യമന്ത്രിയായും ആറു മന്ത്രിമാരെയും രാഷ്ട്രപതി രാം നാഥ് കോവിന്ദ് ശനിയാഴ്ച നിയമിച്ചിരുന്നു. മനീഷ് സിസോദിയ, സത്യേന്ദര്‍ ജയിന്‍, ഗോപാല്‍ റായ്, കൈലാഷ് ഗെലോട്ട്, ഇമ്രാന്‍ ഹുസൈന്‍, രാജേന്ദ്ര ഗൗതം എന്നിവരാണ് മറ്റു മന്ത്രിമാര്‍. ഡല്‍ഹി രാംലീല മൈതാനം തന്നെയാണ് മൂന്നാം തവണയും സത്യപ്രതിജ്ഞയ്ക്കു വേദിയാകുന്നത്.
രാവിലെ പത്തിനാണ് കേജരിവാളും മറ്റു മന്ത്രിമാരും സത്യപ്രതിജ്ഞ ചെയ്യുന്നത്. പ്രധാനമന്ത്രി നരേന്ദ്ര മോദിയെ കേജരിവാള്‍ സത്യപ്രതിജ്ഞയ്ക്കു ക്ഷണിച്ചിരുന്നു. എന്നാല്‍, ഇന്നു മോദി സ്വന്തം തെരഞ്ഞെടുപ്പു മണ്ഡലമായ വാരാണസിയില്‍ ആയിരിക്കും. സത്യപ്രതിജ്ഞ മുന്നില്‍ കണ്ട് സംസ്ഥാനത്തിന്റെ വിവിധ ഭാഗങ്ങളില്‍ കനത്ത സുരക്ഷയാണ് ഒരുക്കിയിക്കുന്നത്. സത്യപ്രതിജ്ഞാ ചടങ്ങില്‍ ശുചീകരണത്തൊഴിലാളികള്‍ ഓട്ടോറിക്ഷ, ബസ്, മെട്രോ ഡ്രൈവര്‍മാര്‍, സ്‌കൂളിലെ പ്യൂണ്‍മാര്‍ എന്നിങ്ങനെ വിവിധ മേഖലകളില്‍നിന്നുള്ള 50 പേര്‍ അരവിന്ദ് കേജരിവാളിനൊപ്പം വേദി പങ്കിടും.
ഡല്‍ഹിയുടെ യഥാര്‍ഥ പ്രതിനിധികള്‍ അവരാണെന്നാണ് പാര്‍ട്ടി നേതാവ് മനീഷ് സിസോദിയ പറഞ്ഞത്. സ്‌കൂള്‍ പ്യൂണ്‍മാര്‍, മൊഹല്ല ക്ലിനിക്കുകളിലെ ഡോക്ടര്‍മാര്‍, ഓട്ടോറിക്ഷ, ബസ്, ആംബുലന്‍സ് ഡ്രൈവര്‍മാര്‍, ശുചീകരണ തൊഴിലാളികള്‍, ബസുകളിലെ മാര്‍ഷല്‍മാര്‍, അധ്യാപകര്‍, പ്രധാന അധ്യാപകര്‍ എന്നിവരാണ് കേജരിവാളിനൊപ്പം വേദി പങ്കിടുന്നതെന്നും സിസോദിയ പറഞ്ഞു.
"
https://www.facebook.com/Malayalivartha
