ആ പെൺകുട്ടിയുടെ അച്ഛൻ പറഞ്ഞത്, കാലും കയ്യും തല്ലിയൊടിക്കാനാണ്; അവൾക്ക് ജാമ്യം ലഭിക്കരുതെന്നും അവളെ രക്ഷിക്കാൻ തയ്യാറല്ലെന്നും അദ്ദേഹം പറഞ്ഞു; പാക് അനുക്കൂല മുദ്രാവാക്യം വിളിച്ച സംഭവത്തിൽ പ്രതികരണവുമായി ബിഎസ് യെദ്യൂരപ്പ
പാക് അനുകൂല മുദ്രാവാക്യം വിളിച്ച പെൺകുട്ടിക്ക് നക്സൽ ബന്ധമുണ്ടെന്ന് കർണാടക മുഖ്യമന്ത്രി ബിഎസ് യെദ്യൂരപ്പ. പൗരത്വ നിയമ ഭേദഗതിക്കെതിരെ സംഘടിപ്പിച്ച പരിപാടിയിൽ പാക് അനുകൂല മുദ്രാവാക്യം വിളിക്കുകയായിരുന്നു . അമുല്യ ലിയോണ എന്ന പെൺകുട്ടിയായിരുന്നു പാകിസ്താൻ സിന്ദാബാദ് എന്ന മുദ്രാവാക്യം മുഴക്കിയത്. ഹൈദരാബോദ് എംപി അസദുദീൻ ഒവൈസിയുൾപ്പെടെയുള്ളവർ വേദിയിൽ നിൽക്കവെയാണ് പെൺകുട്ടി ഇങ്ങനെ വിളിച്ചത്. പെൺകുട്ടിയെ രാജ്യദ്രോഹക്കുറ്റം ചുമത്തി അറസ്റ്റ് ചെയ്ത് പതിനാല് ദിവസത്തെ ജുഡീഷ്യൽ കസ്റ്റഡിയിൽ വിടുകയും ചെയ്തു. ഇത്തരം പരാമർശങ്ങൾ നടത്തിയതിന്റെ പേരിൽ പെൺകുട്ടി തീർച്ചയായും ശിക്ഷിക്കപ്പെടണമെന്നായിരുന്നു യെദ്യൂരപ്പയുടെ പറഞ്ഞത്. ആ പെൺകുട്ടിയുടെ അച്ഛൻ പറഞ്ഞത്, കാലും കയ്യും തല്ലിയൊടിക്കാനാണ്.
അവൾക്ക് ജാമ്യം ലഭിക്കരുതെന്നും അവളെ രക്ഷിക്കാൻ തയ്യാറല്ലെന്നും അദ്ദേഹം പറഞ്ഞു. ഇത്തരം ഗ്രൂപ്പുകൾക്ക് പിന്നിൽ അമൂല്യയെപ്പോലെ വളർന്നു വരുന്ന പെൺകുട്ടികളാണ്. അവരെക്കുറിച്ച് കൃത്യമായി അന്വേഷണം നടത്തി കർശനമായ നടപടി സ്വീകരിക്കണമെന്നും ആരാണ് ഇവരെ പിന്തുണയ്ക്കുന്നതെന്ന് അപ്പോൾ മനസ്സിലാകുമെന്നും ആ പെൺകുട്ടിക്ക് നക്സലുകളുമായി ബന്ധമുണ്ടെന്ന് തെളിവുണ്ടെന്നും അദ്ദേഹം വ്യക്തമാക്കി. പെൺകുട്ടി ശിക്ഷിക്കപ്പെടേണ്ട ആളാണ്. കൂടാതെ ഇത്തരം സംഘടനകൾക്കെതിരെയും നടപടിയെടുക്കണമെന്നും യെദ്യൂരപ്പ വ്യക്തമാക്കി. വേദിയിലെത്തിയ പെൺകുട്ടി പാകിസ്ഥാന് സിന്ദാബാദ്' എന്നാണ് മുദ്രാവാക്യം മുഴക്കിയത്. പെണ്കുട്ടി മുദ്രാവാക്യം മുഴക്കുന്നതിനിടെ നിങ്ങള് എന്താണ് പറയുന്നതെന്ന് ചോദിച്ച് ഒവൈസി എഴുന്നേൽക്കുകയും ചെയ്തു. മാത്രമല്ല പ്രസംഗം തടയുകയും മൈക്ക് പിടിച്ചുവാങ്ങുകയും ചെയ്തു. പെണ്കുട്ടിയെ 124എ വകുപ്പ് പ്രകാരം രാജ്യദ്രോഹക്കുറ്റം ചുമത്തി അറസ്റ്റ് ചെയ്യുകയും ചെയ്തു. തന്റെ പാര്ട്ടിക്കോ തനിക്കോ പെണ്കുട്ടിയുമായി ബന്ധമില്ലെന്നും ഇങ്ങനെയുള്ളവര് പരിപാടിയില് ഉണ്ടാവുമെന്ന് സംഘാടകര് പറഞ്ഞിരുന്നുവെങ്കില് താന് വരില്ലായിരുന്നുവെന്നും ഒവൈസി പറയുകയുണ്ടായി.
https://www.facebook.com/Malayalivartha