കോവിഡ് ബാധിതനായ പത്തുവയസുകാരനെ പരിശോധിക്കാന് പോലും കൂട്ടാക്കാതെ ഡോക്ടര്മാര്
ലോകം മുഴുവന് കൊറോണ ഭീതിയിലിരിക്കെ പത്തുവയസുകാരന് ചികിത്സ നല്കാതെ ശ്രീനഗറിലെ ആശുപത്രികള്. കോവിഡ് ബാധിതനായ പത്തു വയസുകാരനെ ചികിത്സ നല്കാതെ നാല് ആശുപത്രികള് തഴഞ്ഞതായി റിപ്പോര്ട്ട്. ശ്രീനഗറില് ഈദ്ഗാഹില് നിന്നുള്ള പത്തു വയസുകാരന് കോവിഡ് ബാധിച്ച മതപണ്ഡിതനുമായുള്ള സമ്ബര്ക്കം വഴിയാണ് രോഗ ബാധ ഉണ്ടായത്. രോഗലക്ഷണങ്ങള് കണ്ടെത്തിയതോടെ ആശുപത്രികളില് എത്തിയെങ്കിലും ഒരു ദിവസം തന്നെ നാല് ആശുപത്രികളും ഒഴിവാക്കുകയായിരുന്നു.
ഡോക്ടര്മാര് കുട്ടിയെ പരിശോധിക്കാന് പോലും കൂട്ടാക്കാതെ കൈകള് ഇടയ്ക്കിടെ കഴുകാന് നിര്ദേശം നല്കി വീട്ടില് തന്നെ നിരീക്ഷണത്തില് കഴിയാന് ഉപദേശിച്ച് തിരിച്ചയയ്ക്കുകയായിരുന്നു. നിലവില് പത്തുവയസുകാരന്റെ കുടുംബവും ആശുപത്രിയില് നിരീക്ഷണത്തിലാണ്. മാര്ച്ച് 18 മുതല് 22 വരെ നടന്ന മതസമ്മേളനത്തിനിടെയാണ് കോവിഡ് സ്ഥിരീകരിച്ച മതപണ്ഡിതനുമായി അടുത്തിടപഴകിയത്. തുടര്ന്ന് മതപണ്ഡിതന് കോവിഡ് സ്ഥിരീകരിക്കുകയായിരുന്നു. ഈ സംഭവത്തിന് പിന്നാലെ പത്തു വയസുകാരന് പനിയോടെയാണ് രോഗലക്ഷണങ്ങള് പ്രകടമായത്. മാര്ച്ച് 28 ന് ബാലനെ എസ്എംഎച്ച്എസ് ആശുപത്രിയില് എത്തിച്ചുവെങ്കിലും അഡ്മിറ്റ് ചെയ്യാന് അധികൃതര് അനുവദിച്ചില്ല. തുടര്ന്ന് സിഡി ആശുപത്രിയിലേക്ക് അയയ്ക്കുകയായിരുന്നു, കോവിഡ് ബാധിതനുമായി സമ്ബര്ക്കം ഉണ്ടായിട്ടുണ്ടെന്ന് വ്യക്തമാക്കിയാണ് സിഡി ആശുപത്രിയിലേക്ക് അതേ ദിവസം തന്നെ ആംബുലന്സില് മാറ്റിയത്. എന്നാല് അവിടെ ബെഡ് ഒഴിവില്ലെന്ന കാരണം പറഞ്ഞ് വീണ്ടും ജവഹര്ലാല് നെഹ്റു മെമ്മോറിയല് ആശുപത്രിയിലേക്ക് പറഞ്ഞയച്ചു. എന്നാല് പോലീസ് എത്തിക്കുന്ന രോഗികളെ മാത്രമേ അഡ്മിറ്റ് ചെയ്യാനാകൂ എന്ന് പറഞ്ഞുകൊണ്ട് ആശുപത്രിയില് നിന്നും പറഞ്ഞയയ്ക്കുകയായിരുന്നു. തുടര്ന്നാണ് ഇവര് വീട്ടിലേക്ക് മടങ്ങിയത്.
എന്നാല് ചൊവ്വാഴ്ചയോടെ ലഭിച്ച ബാലന്റെ പരിശോധനാ ഫലം കൊറോണ പോസിറ്റീവെന്ന് കാണിക്കുകയായിരുന്നു. തുടര്ന്നാണ് ഷെര്ഇകാശ്മീര് ഇന്സ്റ്റിറ്റിയൂട്ട് ഓഫ് മെഡിക്കല് സയന്സസില് പ്രവേശിപ്പിച്ചത്. രണ്ടു ദിവസം മുമ്ബ് ആുപത്രികള് കയറിയിറങ്ങി നടന്നതിനു ശേഷമാണ് കാശ്മീരിലെ ഏറ്റവും നല്ല ആശുപത്രിയില് ഒടുവില് ബാലനെ പ്രവേശിപ്പിച്ചത്.
https://www.facebook.com/Malayalivartha