രാ​ജ്യ​ത്ത് കോ​വി​ഡ് രോ​ഗി​ക​ളു​ടെ എ​ണ്ണം ക്രമാതീതമായി വ​ര്‍​ധി​ക്കു​ന്നു. സ​മ്ബൂ​ര്‍​ണ ലോ​ക്ക്ഡൗ​ണി​ലും ക​ഴി​ഞ്ഞ 24 മ​ണി​ക്കൂ​റി​നി​ടെ രാ​ജ്യ​ത്ത് 991 പു​തി​യ കോ​വി​ഡ് കേ​സു​ക​ളാ​ണ് റി​പ്പോ​ര്‍​ട്ട് ചെ​യ്ത​ത്. 51 മ​ര​ണ​ങ്ങ​ളും 24 മ​ണി​ക്കൂ​റി​നി​ടെ സം​ഭ​വി​ച്ചു.

ഇ​തോ​ടെ രാ​ജ്യ​ത്ത് കോ​വി​ഡ് ബാ​ധി​ച്ച്‌ മ​രി​ച്ച​വ​രു​ടെ എ​ണ്ണം 488 ആ​യി ഉ​യ​ര്‍​ന്നു. കൊ​റോ​ണ വൈ​റ​സ് (കോ​വി​ഡ്-19) ബാ​ധി​ച്ച​വ​രു​ടെ ആ​കെ എ​ണ്ണം 14,378 ആ​ണ്. ഇ​തു​വ​രെ 1,992 പേ​ര്‍ രോ​ഗ മു​ക്ത​രാ​യി​ട്ടു​ണ്ട്. 12 സം​സ്ഥാ​ന​ങ്ങ​ളി​ലാ​യി 22 ജി​ല്ല​ക​ളി​ല്‍ ക​ഴി​ഞ്ഞ 14 ദി​വ​സ​ത്തി​നി​ടെ ഒ​രു കൊ​റോ​ണ കേ​സു​പോ​ലും റി​പ്പോ​ര്‍​ട്ട് ചെ​യ്തി​ട്ടി​ല്ലെ​ന്ന് ആ​രോ​ഗ്യ​മ​ന്ത്രാ​ല​യം അ​റി​യി​ച്ചു. രാ​ജ്യ​ത്തെ കൊ​റോ​ണ മ​ര​ണ​നി​ര​ക്ക് 3.3 ശ​ത​മാ​ന​മാ​ണെ​ന്നും ആ​രോ​ഗ്യ​മ​ന്ത്രാ​ല​യം ജോ​യി​ന്‍റ് സെ​ക്ര​ട്ട​റി ലാ​വ് അ​ഗ​ര്‍​വാ​ള്‍ പ​റ​ഞ്ഞു. 75 വ​യ​സി​ന് മു​ക​ളി​ല്‍ പ്രാ​യ​മു​ള്ള​വ​രാ​ണ് രോ​ഗം ബാ​ധി​ച്ച്‌ മ​രി​ച്ച​വ​രി​ല്‍ ഭൂ​രി​പ​ക്ഷ​വും. ഈ ​പ്രാ​യ​ക്കാ​രു​ടെ ഇ​ട​യി​ല്‍ 42.2 ശ​ത​മാ​ന​മാ​ണ് മ​ര​ണ​നി​ര​ക്ക്.

60 നും 75 ​നും ഇ​ട​യി​ല്‍ പ്രാ​യ​മാ​യ​വ​രു​ടെ മ​ര​ണ​നി​ര​ക്ക് 33.1 ശ​ത​മാ​ന​മാ​ണ്. കൊ​റോ​ണ മ​ര​ണ​ത്തി​ല്‍ 75 ശ​ത​മാ​ന​വും 60 വ​യ​സി​നു മു​ക​ളി​ല്‍ പ്രാ​യ​മു​ള്ള​വ​രി​ലാ​ണ് സം​ഭ​വി​ച്ച​ത്. അ​നു​ബ​ന്ധ രോ​ഗ​ങ്ങ​ളു​ള്ള​വ​രാ​ണ് മ​രി​ച്ച 83 ശ​ത​മാ​നം പേ​രെ​ന്നും അ​ഗ​ര്‍​വാ​ള്‍ കൂ​ട്ടി​ച്ചേ​ര്‍​ത്തു.

അതേസമയം ഇന്ന് 4 പേര്‍ക്ക് കോവിഡ്-19 സ്ഥിരീകരിച്ചു; കണ്ണൂര്‍ ജില്ലയില്‍ നിന്നുള്ള 3 പേര്‍ക്കും കോഴിക്കോട് ജില്ലയില്‍ നിന്നുള്ള ഒരാള്‍ക്കുമാണ് രോഗം സ്ഥിരീകരിച്ചത്; രണ്ടുപേർ രോഗമുക്തി നേടി; ഇനി ചികിത്സയിലുള്ളത് 140 പേര്‍; ഇതുവരെ രോഗമുക്തി നേടിയവര്‍ 257

തിരുവനന്തപുരം: സംസ്ഥാനത്ത് ഇന്ന് 4 പേര്‍ക്കുകൂടി കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ അറിയിച്ചു. കണ്ണൂര്‍ ജില്ലയില്‍ നിന്നുള്ള 3 പേര്‍ക്കും കോഴിക്കോട് ജില്ലയില്‍ നിന്നുള്ള ഒരാള്‍ക്കുമാണ് രോഗം സ്ഥിരീകരിച്ചത്. ഇതില്‍ 3 പേര്‍ ദുബായില്‍ നിന്നും വന്നതാണ്. ഒരാള്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. കണ്ണൂര്‍ ജില്ലയിലെ 2 പേരും കോഴിക്കോട് ജില്ലയിലെ ഒരാളുമാണ് ദുബായില്‍ നിന്നും വന്നത്. കണ്ണൂര്‍ ജില്ലയിലുള്ള ഒരാള്‍ക്കാണ് സമ്പര്‍ക്കത്തിലൂടെ രോഗം ബാധിച്ചത്.

അതേസമയം 2 പേരാണ് ഇന്ന് രോഗമുക്തി നേടിയത്. കാസര്‍ഗോഡ് ജില്ലയിലെ 2 പേരുടെ പരിശോധനാഫലമാണ് നെഗറ്റീവായത്. 257 പേരാണ് ഇതുവരെ കോവിഡില്‍ നിന്നും രോഗമുക്തി നേടിയത്. ഇതോടെ 140 പേരാണ് നിലവില്‍ സംസ്ഥാനത്തെ വിവിധ ആശുപത്രികളില്‍ ചികിത്സയിലുള്ളത്.

സംസ്ഥാനത്തെ വിവിധ ജില്ലകളിലായി 67,190 പേര്‍ നിരീക്ഷണത്തിലാണ്. ഇവരില്‍ 66,686 പേര്‍ വീടുകളിലും 504 പേര്‍ ആശുപത്രികളിലും നിരീക്ഷണത്തിലാണ്. 104 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. രോഗലക്ഷണങ്ങളുള്ള 18,774 വ്യക്തികളുടെ സാമ്പിള്‍ പരിശോധനയ്ക്ക് അയച്ചിട്ടുണ്ട്. ഇതില്‍ ലഭ്യമായ 17,763 സാമ്പിളുകളുടെ പരിശോധനാ ഫലം നെഗറ്റിവ് ആണ്.