പല സൂപ്പര്താരങ്ങളുടെയും കൂടെ അഭിനയിക്കാന് അവസരം കിട്ടിയിട്ടും അത് നടന്നില്ലെന്ന് മീന
തെന്നിന്ത്യന് സിനിമയിലെ മിക്ക സൂപ്പര്സ്റ്റാറുകളുടെയും നായികയായി എത്തി പ്രേക്ഷകരുടെ പ്രിയങ്കരിയായി മാറിയ നടിയാണ് മീന. ബാലതാരമായെത്തിയ മീന ഇപ്പോഴും സിനിമയില് സജീവമാണ്. ജീത്തു ജോസഫ് സംവിധാനം ചെയ്ത് മോഹന്ലാല് നായകനായെത്തുന്ന ദൃശ്യത്തിന്റെ മൂന്നാംഭാഗമാണ് മീനയുടെ ഇനി പുറത്തിറങ്ങാനുള്ള ചിത്രം. ഏപ്രില് രണ്ടിനാണ് ചിത്രം തിയേറ്ററുകളിലെത്തുന്നത്. ഇപ്പോഴിതാ കരിയറില് തനിക്ക് ഒരുപാട് നല്ല ചിത്രങ്ങള് നഷ്ടപ്പെട്ടുപോയെന്ന് മീന പറഞ്ഞിരിക്കുകയാണ്. പല സൂപ്പര്താരങ്ങളുടെയും സിനിമകള് ചെയ്യാന് സാധിച്ചില്ലെന്നും നടി പറയുന്നു.
'മോഹന്ലാല് മമ്മൂട്ടി കൂട്ടുകെട്ടിലെത്തിയ ഹരികൃഷ്ണന്സ്, തേവര്മകന്, പടയപ്പ എന്നീ സിനിമകളില് അഭിനയിക്കാന് അവസരം ലഭിച്ചിട്ടും നടക്കാതെ പോയി. പല അഭിമുഖങ്ങളിലും ഞാന് ഈ സിനിമകള് മാത്രമേ പറഞ്ഞിട്ടുള്ളൂ. അങ്ങനെ കുറേ സിനിമകളുണ്ട്. നമുക്ക് എല്ലാ സിനിമയും ചെയ്യാന് പറ്റില്ലല്ലോ. ആ സിനിമകളൊക്കെ വലിയ വിജയമാകുമ്പോള് അവയില് അഭിനയിക്കാന് സാധിക്കാതെ വന്നതില് വിഷമം തോന്നിയിട്ടുണ്ട്.
യാഥാര്ത്ഥ്യം മനസിലാക്കിയല്ലേ പറ്റൂ.ബ്രോ ഡാഡി എന്ന സിനിമയില് പൃഥ്വിരാജ് എന്റെ മകനാണെന്ന് അറിഞ്ഞപ്പോള് ഞാന് ഷോക്കായി പോയി. നിര്മാതാവ് ആന്റണിയോട് എന്താ പറയുന്നതെന്നുവരെ ചോദിച്ചു. ഞാന് എന്തിനാണ് ആ വേഷം ചെയ്തതെന്ന് ആരും ചോദിച്ചിട്ടില്ല. ആ സിനിമ കണ്ടാല് ആരും അങ്ങനെ ചോദിക്കില്ല.
സിനിമയുടെ തിരക്കഥയും സംവിധാനവും അങ്ങനെയായിരുന്നു. അത്രയും പെര്ഫെക്ടായിരുന്നു. അല്ലെങ്കില് ചെയ്യില്ലായിരുന്നു. എനിക്ക് നോ പറയാന് കഴിയാത്ത അവസ്ഥയായി. സ്വന്തം ജോലിയില് ശ്രദ്ധ കേന്ദ്രീകരിക്കുന്ന മനുഷ്യനാണ് പൃഥ്വിരാജ്. സമയം പാഴാക്കി കളയില്ല. അതുകൊണ്ടാണ് അദ്ദേഹം ഒരു നല്ല നടനായും സംവിധായകനായും മാറിയത്' മീന പറഞ്ഞു.
https://www.facebook.com/Malayalivartha
