തമിഴ്നാട്ടില് വാരാണസി തീര്ത്ഥാടനം കഴിഞ്ഞെത്തിയ 127 അംഗ സംഘത്തിലെ രണ്ട് പേര്ക്ക് കൊറോണ സ്ഥിരീകരിച്ചു
തമിഴ്നാട്ടില് വാരാണസി തീര്ത്ഥാടനം കഴിഞ്ഞെത്തിയ 127 അംഗ സംഘത്തിലെ രണ്ട് പേര്ക്ക് കൊറോണ സ്ഥിരീകരിച്ചു. വെള്ളിയാഴ്ച തിരിച്ചെത്തിയ സംഘത്തിലെ രണ്ട് സ്ത്രീകള്ക്കാണ് കൊറോണ സ്ഥിരീകരിച്ചത്. ചെന്നൈ, മധുരൈ, തിരുച്ചിറപ്പള്ളി ഉള്പ്പെടെ ഒന്പത് ജില്ലകളില് നിന്നുള്ളവരാണ് തീര്ത്ഥാടനത്തിന് പോയത്.ഫെബ്രുവരിയില് യാത്ര തിരിച്ച സംഘം ലോക്ക്ഡൗണ് പ്രഖ്യാപിച്ചതോടെ വാരാണാസിയില് കുടുങ്ങി. ഇതോടെ രാജ്യത്തിന്റെ പല ഭാഗത്ത് നിന്നുള്ളവരോടൊപ്പം ഇരുപത് ദിവസം ഇവര് വാരാണാസിയില് തങ്ങി.
ലോക്ക്ഡൗണ് നീട്ടിയതോടെ തീര്ത്ഥാടക സംഘം പ്രദേശിക ഭരണകൂടത്തിന്റെ സഹായം അഭ്യര്ത്ഥിച്ചു. ഇവരുടെ ഇടപെടലിനെ തുടര്ന്ന് തീര്ത്ഥാടകരെയെല്ലാം പ്രത്യേക ബസുകളില് അതത് സംസ്ഥാനങ്ങളിലേക്ക് തിരിച്ചയച്ചു. ഇത്തരത്തില് തമിഴ്നാട്ടില് തിരിച്ചെത്തിയ 127 പേരെ ഉടനെ തിരുവള്ളൂരിലെ നിരീക്ഷണ കേന്ദ്രത്തിലേക്ക് മാറ്റി. ഇവരില് ലക്ഷണമുള്ളവരെ പരിശോധനയ്ക്ക് വിധേയമാക്കിയപ്പോഴാണ് കൊറോണ സ്ഥിരീകരിച്ചത്.
https://www.facebook.com/Malayalivartha