കൊടുംക്രൂരത, ലോക്ക്ഡൗണിനിടെ ; സ്ത്രീയെ കൂട്ടബലാത്സംഗത്തിനിരയാക്കി
രാജസ്ഥാനില് സംഭവിക്കുന്നത് എന്താണ്. എന്തൊരു കൊടുംക്രൂരതയാണിത്. അതും ലോക്ക്ഡൗണിനിടെ ഒരു സ്ത്രീയെ കൂട്ടബലാത്സംഗത്തിനിരയാക്കിരിക്കുന്നു. രാജ്യത്തൊട്ടാകെയുള്ള കൊറോണ വൈറസ് ലോക്ക്ഡൗണിനിടെയാണ് യുവതിയെ ഒരു സ്കൂളില് വച്ച് കൂട്ടബലാത്സംഗത്തിനിരയാക്കിയത്. രാജസ്ഥാനിലാണ് നാടിന് തന്നെ തീരാനാണക്കേടായ സംഭവമുണ്ടായത്.
കൂലിപ്പണിക്കാരിയായ യുവതി തന്റെ ഗ്രാമത്തിലേയ്ക്കുളള വഴി അടഞ്ഞതോടെ പോലീസ് സ്റ്റേഷനില് അഭയം പ്രാപിക്കുകയായിരുന്നു. മൈലുകള് താണ്ടി മരൂഭൂമിയില് എത്തിയ യുവതിയെ ലോക്ഡൗണിന്റെ പശ്ചാത്തലത്തില് ക്വാറന്റൈന് കേന്ദ്രത്തിന്റെ അഭാവത്തില് പോലീസ് ഒരു സ്കൂളില് ക്വാറന്റൈനില് ആക്കുകയായിരുന്നു. എന്നാല് മൂന്ന് പുരുഷന്മാര് സ്ത്രീയെ ക്രൂരമായി ഉപദ്രവിക്കുകയായിരുന്നു. പ്രതികളെ പോലീസ് പിടികൂടി.
അതേസമയം ഈ ലോക് ഡൗണ് അനുഗ്രഹമായി മാറിയിരിക്കുകയാണ് രാജസ്ഥാനില്. മറ്റൊരു കൊടുംക്രൂരതയ്ക്ക് കുറവുണ്ട്. ഏറ്റവും കൂടുതല് ബാലവിവാഹങ്ങള് നടക്കുന്ന രാജസ്ഥാനില് ഈ വര്ഷം വിവാഹങ്ങളുടെ എണ്ണം കുറവാണെന്നാണ് റിപ്പോര്ട്ട്. രാജസ്ഥാനിലെ ഹൗതിയിലെ ഗ്രാമീണ മേഖലയിലെയിലാണ് ഏറ്റവും കൂടുതല് ബാലവിവാഹങ്ങള് നടക്കാറുള്ളത്.
നാല് ജില്ലകളിലെ ജില്ലാ ഭരണകൂടവും അക്ഷയ തൃതീയ സമയത്ത് കൂടുതല് ജാഗ്രത പുലര്ത്തിയിരുന്നു. ഏപ്രില് 26 ന് അക്ഷയ തൃതീയയില് ജില്ലയില് ബാലവിവാഹം നടക്കില്ലെന്ന് ഉറപ്പുവരുത്താനും ഗ്രാമപ്രദേശങ്ങള് നിരീക്ഷിക്കാന് വിജിലന്സ് ടീമുകള് രൂപീകരിക്കാന് കോട്ട ജില്ലാ കളക്ടര് ഓം കസേര വ്യാഴാഴ്ച ഉദ്യോഗസ്ഥര്ക്ക് നിര്ദേശം നല്കിയിരുന്നു. ലോക്ക്ഡൗണ് കര്ശനമായി നടപ്പാക്കിയതിനാല് ഈ വര്ഷം ബാലവിവാഹ റിപ്പോര്ട്ടുകള് ഇതുവരെ പുറത്തുവന്നിട്ടില്ലെന്ന് ചൈല്ഡ് ഡെവലപ്മെന്റ് സര്വീസസ് വ്യക്തമാക്കിയിട്ടുണ്ട്. കൊവിഡ് -19നായി സര്വേ നടത്തുന്നതിന് അംഗന്വാടി ജീവനക്കാരും ആശ വര്ക്കര്മാരും രംഗത്തുണ്ട്. അക്ഷയ തൃതീയ ദിനത്തില് ഇതുവരെ ഒരു ബാലവിവാഹവും റിപ്പോര്ട്ട് ചെയ്യപ്പെട്ടിട്ടില്ല. മുന് വര്ഷങ്ങളില് നിന്ന് വ്യത്യസ്തമായി ബാലവിവാഹത്തിന് കണ്ട്രോള് റൂം ഇല്ലെന്നും ചൈല്ഡ് ഡെവലപ്മെന്റ് സര്വീസസ് ഡെപ്യൂട്ടി ഡയറക്ടര് വ്യക്തമാക്കി. ബാലവിവാഹം ഉള്പ്പെടെയുള്ള സ്ത്രീകളുമായി ബന്ധപ്പെട്ട പരാതികള് സ്വീകരിക്കുന്നതിനും പരിഹരിക്കുന്നതിനും ജില്ലയിലെ ഒരു സ്റ്റോപ്പ് സെന്റര് പ്രവര്ത്തിക്കുന്നെണ്ടെന്നും വ്യക്തമാക്കിയിട്ടുണ്ട്.
https://www.facebook.com/Malayalivartha
