അ​തി​ർ​ത്തി ക​ട​ന്ന് സം​സ്ഥാ​ന​ത്തേ​യ്ക്കെ​ത്താ​ൻ നി​ര​വ​ധി പേ​ർ ശ്രമിക്കുന്നതിന്റെ പശ്ചാത്തലത്തിൽ അ​ന്ത​ർ സം​സ്ഥാ​ന യാ​ത്ര​യ്ക്ക് ഒ​ൻ​പ​ത് മാ​ർ​ഗനി​ർ​ദേ​ശങ്ങൾ നൽകി ഗ​താ​ഗ​ത വ​കു​പ്പ്.. ലോ​ക്ക്ഡൗ​ണി​നു​ ശേ​ഷ​മു​ള്ള യാ​ത്ര​ക​ൾ​ക്കാ​ണ് മാ​ർ​ഗ​നി​ർ​ദേ​ശം. ഒ​ൻ​പ​ത് നി​ർ​ദേ​ശ​ങ്ങ​ളാ​ണ് ഗ​താ​ഗ​തവ​കു​പ്പ് ശി​പാ​ർ​ശ ചെ​യ്തി​രി​ക്കു​ന്ന​ത്.

അവയിൽ പ്രധാനമായത് നാ​ല് ചെ​ക്ക്പോ​സ്റ്റു​ക​ളി​ലൂ​ടെ മാ​ത്ര​മേ യാ​ത്ര അ​നു​വ​ദി​ക്കു​ക​യു​ള്ളു എന്നതാണ് . മ​ഞ്ചേ​ശ്വ​രം, വാ​ള​യാ​ര്‍, മു​ത്ത​ങ്ങ, അ​മ​ര​വി​ള ചെ​ക്ക്‌​പോ​സ്റ്റു​ക​ള്‍ വ​ഴി മാ​ത്ര​മാ​ണ് യാ​ത്ര അ​നു​വ​ദി​ക്കു​ന്ന​ത്. മ​റ്റ് സം​സ്ഥാ​ന​ങ്ങ​ളി​ൽ​നി​ന്നു വ​രു​ന്ന​വ​ർ ഓ​ൺ​ലൈ​നാ​യി ര​ജി​സ്റ്റ​ർ ചെയ്തതിനു ശേഷം യാത്ര ചെയ്യാം

അ​തി​ർ​ത്തി ക​ട​ന്നെ​ത്താ​ൻ മെ​ഡി​ക്ക​ൽ സ​ർ​ട്ടി​ഫി​ക്ക​റ്റ് നി​ർ​ബ​ന്ധ​മാ​ണ്. ഒ​രു ദി​വ​സം നി​ശ്ചി​ത ആ​ളു​ക​ളെ മാ​ത്ര​മേ ക​ട​ത്തി വി​ടു​ക​യു​ള്ളു. ഇ​ത് സം​ബ​ന്ധി​ച്ച ശി​പാ​ർ​ശ സ​ർ​ക്കാ​രി​ന് സ​മ​ർ​പ്പി​ച്ചി​ട്ടു​ണ്ട്.

രാ​വി​ലെ എ​ട്ടി​നും 11 നും ​ഇ​ട​യി​ൽ മാ​ത്ര​മാ​യി​രി​ക്കും പ്ര​വേ​ശ​നം. അ​തി​ർ​ത്തി ക​ട​ന്നെ​ത്താ​ൻ സ്വ​ന്തം വാ​ഹ​ന​ത്തി​ൽ വ​രാം. കേ​ന്ദ്രം അ​നു​വ​ദി​ച്ചാ​ൽ അ​ന്ത​ർ​സം​സ്ഥാ​ന ബ​സ് സ​ർ​വീ​സ് ആ​രം​ഭി​ക്കാം.

ബ​സി​ൽ സാ​മൂ​ഹി​ക അ​ക​ലം നി​ർ​ബ​ന്ധ​മാ​ക്കും. എ​സി പാ​ടി​ല്ല, മാ​സ്‌​ക് നി​ർ​ബ​ന്ധ​മാ​യി ധ​രി​ക്ക​ണം തു​ട​ങ്ങി​യ ശി​പാ​ർ​ശ​ക​ളാ​ണ് ഗ​താ​ഗ​ത​വ​കു​പ്പ് സ​മ​ർ​പ്പി​ച്ചി​രി​ക്കു​ന്ന​ത്.

അ​തി​ർ​ത്തി​യി​ൽ പോ​ലീ​സി​നേ​യും മെ​ഡി​ക്ക​ൽ സം​ഘ​ത്തേ​യും നി​യോ​ഗി​ക്ക​ണം. വാ​ഹ​ന​ങ്ങ​ൾ ഫ​യ​ർ​ഫോ​ഴ്‌​സ് അ​ണു​മു​ക്ത​മാ​ക്ക​ണം. ഇ​ത്ത​ര​ത്തി​ൽ വ​രു​ന്ന​വ​രെ നി​രീ​ക്ഷി​ക്കാ​ൻ ജി​ല്ലാ ത​ല​ത്തി​ൽ പ്ര​ത്യേ​ക സം​ഘം വേ​ണ​മെ​ന്നും നി​ർ​ദേ​ശ​മു​ണ്ട്.