ലോ​ക്ഡൗ​ൺ കർശനമായുള്ള യു പിയിലെ ഗാ​സി​യാ​ബാ​ദിലാണ് രസകരമായ സംഭവം നടന്നത് ... ഇവിടെ ജ​ന​ങ്ങ​ൾ​ക്ക് അ​വ​ശ്യ​വ​സ്തു​ക്ക​ൾ​ക്ക് വാ​ങ്ങു​ന്ന​തി​ന് മാ​ത്ര​മാ​ണ് പു​റ​ത്തി​റ​ങ്ങാ​ൻ അ​നു​മ​തി ഉള്ളത് .

സംഭവദിവസം രാവിലെ വീട്ടിലേക്കുള്ള അത്യാവശ്യ സാധനങ്ങൾ വാങ്ങാൻ പോയതാണ് 26 വ​യ​സു​കാ​ര​ൻ ഗ​ഡ്ഡു.. പക്ഷെ തിരിച്ചെത്തിയപ്പോൾ കൂടെ ഉണ്ടായിരുന്നത് ഗ​ഡ്ഡുവിന്റെ നവ വധു സവിത ആയിരുന്നു

വീ​ട്ടു​സാ​ധ​ന​ങ്ങ​ൾ വാ​ങ്ങാ​ൻ ​പോ​യ മ​ക​ൻ പെൺകുട്ടിയുടെ കൈ പിടിച്ചു  കൂട്ടിക്കൊണ്ടുവന്നത് പക്ഷെ വീട്ടുകാർക്ക് അത്ര ദഹിച്ചിട്ടില്ല .. അ​മ്മ മ​ക​നെ​തി​രെ പോ​ലീ​സി​നെ സ​മീ​പി​ച്ചിരിക്കുകയാണ് ഇപ്പോൾ

എ​ന്നാ​ൽ മ​ക​ന്‍റെ ര​ഹ​സ്യ വി​വാ​ഹം അം​ഗീ​ക​രി​ക്കാ​ൻ കഴിയില്ലെന്നാണ് 'അമ്മ പറയുന്നത് . വ​ധു​വി​നെ ത​ന്‍റെ വീ​ട്ടി​ൽ താ​മ​സി​പ്പി​ക്കാ​ൻ ക​ഴി​യി​ല്ലെ​ന്നും ഈ ​വി​വാ​ഹം താ​ൻ അം​ഗീ​ക​രി​ക്കി​ല്ലെ​ന്നും അ​മ്മ ഗാ​സി​യാ​ബാ​ദ് പോ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കി.

ര​ണ്ടു മാ​സം മു​മ്പ് ഗുഡുവും സവിതയും ആ​ര്യ​സ​മാ​ജ​ത്തി​ൽ വെച്ച് വി​വാ​ഹി​ത​രാ​യതാണ് ..എന്നാൽ വിവാഹത്തിന് മ​തി​യാ​യ സാ​ക്ഷി​ക​ളി​ൽ ഇ​ല്ലാ​ത്ത​തി​നാ​ൽ സ​ർ​ട്ടി​ഫി​ക്ക​റ്റ് ല​ഭി​ച്ചി​രു​ന്നി​ല്ല. വീ​ണ്ടും ഹ​രി​ദ്വാ​റി​ൽ പോ​യി വി​വാ​ഹ സ​ർ​ട്ടി​ഫി​ക്ക​റ്റ് വാ​ങ്ങി​ക്ക​ണ​മെ​ന്ന് ക​രു​തി​യിരുന്നപ്പോഴേക്കും ലോ​ക്ക് ഡൗ​ൺ കാ​ര​ണം സാ​ധി​ച്ചി​ല്ലെ​ന്നും ഗ​ഡ്ഡു പ​റ​യു​ന്നു

പിന്നീട് ഭാ​ര്യ സ​വി​ത​യെ ഡ​ൽ​ഹി​യി​ലെ ഒ​രു വാ​ട​ക വീ​ട്ടി​ൽ താ​മ​സി​പ്പി​ച്ചി​രി​ക്കു​ക​യാ​യി​രു​ന്നുവത്രേ . എന്നാൽ വീ​ട്ടു​വാ​ട​ക കൊ​ടു​ക്കാ​നി​ല്ലാ​തെ ഇ​റ​ക്കി വി​ടു​ന്ന ഘ​ട്ട​ത്തി​ൽ എത്തി. ഇതോടെ വീ​ട്ടി​ലേ​ക്ക് വി​ളി​ച്ച് കൊ​ണ്ടു വ​രു​കയല്ലാതെ മറ്റ് മാർഗ്ഗമൊന്നും ഇല്ലായിരുന്നു എന്നാണു ഗ​ഡ്ഡു പറയുന്നത് ..

ഏതായാലും അമ്മ നവ വധുവിനെ സ്വീകരിക്കാത്ത സാഹചര്യത്തിൽ ഇവർക്ക് താമസിക്കാൻ വാടക വീട് നൽകണമെന്നും വാ​ട​ക ന​ൽ​കാ​ൻ സാ​വ​കാ​ശം കൊടുക്കണമെന്നും ഗാ​സി​യാ​ബാ​ദ് പോ​ലീ​സ് വീ​ട്ടു​ട​മ​യെ വി​ളി​ച്ച് ആ​വ​ശ്യ​പ്പെ​ട്ടി​ട്ടു​ണ്ട്