കോയമ്പത്തൂരിലെ ഒരു സ്വകാര്യ മൊബൈല്‍ ഷോറൂമിലെ സെയില്‍സ്മാന്‍ മച്ചംപാളയത്തെ കൃഷ്ണമാര്‍(25) എന്ന യുവാവ് 23-വയസുള്ള കോളജ് വിദ്യാര്‍ഥിനിയെ പ്രേമിച്ചിരുന്നു.

അവളെ സന്തോഷിപ്പിക്കാന്‍ വിലയേറിയ സമ്മാനങ്ങള്‍ വാങ്ങി നല്‍കുക പതിവായിരുന്നത്രെ. എന്നാല്‍ അഭിപ്രായ വ്യത്യാസങ്ങള്‍ കാരണം കൃഷ്ണകുമാറില്‍ നിന്നകന്ന യുവതി അയാളോട് സംസാരിക്കാതായി.

അതേ തുടര്‍ന്ന് ഇക്കഴിഞ്ഞ 17-ന് യുവതിയുടെ വീട്ടിലെത്തിയ കൃഷ്ണകുമാര്‍ അവളുമായി വഴക്കുകൂടി.

തന്നെ ചതിച്ചതിന് അഞ്ചു ലക്ഷം രൂപ നഷ്ടപരിഹാരം ആവശ്യപ്പെട്ട കൃഷ്ണകുമാര്‍ യുവതിയുമായുള്ള ഫോട്ടോകള്‍ സമൂഹ മാധ്യമങ്ങളില്‍ പ്രചരിപ്പിക്കുമെന്ന് ഭീഷണി മുഴക്കി.

യുവതിയുടെ പരാതിയില്‍ കുനിയമുത്തൂര്‍ പൊലീസ് വിവിധ വകുപ്പുകളില്‍ കേസെടുത്ത് കൃഷ്ണകുമാറിനെ അറസ്റ്റ് ചെയ്തു.