സോണിയക്കെതിരെയുള്ള പരാമര്ശം: ഗിരിരാജിനെതിരെ കേസേടുക്കും, കോണ്ഗ്രസ് പ്രവര്ത്തകന്റെ പരാതിയുടെ അടിസ്ഥാനത്തിലാണ് കേസ്
സോണിയ ഗാന്ധിക്കെതിരെ വിവാദ പ്രസ്താവന ഉന്നയിച്ച കേന്ദ്രമന്ത്രി ഗിരിരാജ് സിങിനെതിരെ കേസേടുക്കാന് കോടതി ഉത്തരവിട്ടു. കോണ്ഗ്രസ് പ്രവര്ത്തകന്റെ പരാതിയെ തുടര്ന്നാണ് ഗിരിരാജിനെതിരെ കേസ്. മുസഫര്നഗര് സിജെഎം കോടതിയാണ് മന്ത്രിക്കെതിരെ എഫ്ഐആര് റജിസ്റ്റര് ചെയ്യാന് ഉത്തരവിട്ടത്.
ഇന്നലെയാണ് കേന്ദ്ര മന്ത്രി ഗിരിരാജ് സിംങ് കോണ്ഗ്രസ് അദ്ധ്യക്ഷ സോണിയാ ഗാന്ധിയ്ക്കെതിരെ പ്രസ്താവന ഉന്നയിച്ചത്. ഗിരിരാജ് സിംഗിന് മറുപടിയുമായി സോണിയാ ഗാന്ധി രംഗത്തെത്തിയിരുന്നു. ഇടുങ്ങിയ ചിന്താഗതിയാണെന്നും അത്തരം ഇടുങ്ങിയ ചിന്താഗതികളുള്ളവര് നടത്തുന്ന പ്രസ്താവനകള്ക്ക് മറുപടി പറയേണ്ടതില്ലെന്നുമാണ് സോണിയ ഗിരിരാജ് സിംഗിനെതിരെ മറുപടി നല്കിയിരുന്നത്.
മദ്ധ്യപ്രദേശില് കര്ഷകര്ക്ക് ഉണ്ടായ നാശനഷ്ടങ്ങള് നേരിട്ട് കണ്ട് മനസിലാക്കാന് എത്തിയപ്പോഴാണ് മറുപടിയുമായി സോണിയ എത്തിയത്. കോണ്ഗ്രസ് ഉപാദ്ധ്യക്ഷന് രാഹുല് ഗാന്ധി ഉടന് തന്നെ പാര്ട്ടി പ്രവര്ത്തനത്തിലേക്ക് മടങ്ങി വരുമെന്നും സോണിയ വ്യക്തമാക്കിയിരുന്നു.രാജീവ് ഗാന്ധി, വെള്ളക്കാരിക്കു പകരം ഒരു നൈജീരിയക്കാരിയെയായിരുന്നു വിവാഹം കഴിച്ചിരുന്നെങ്കില് അവരെ കോണ്ഗ്രസ് നേതാവായി അംഗീകരിക്കുമായിരുന്നോ എന്ന് ഒരു സ്വകാര്യ ചടങ്ങില് ഗിരിരാജ് നടത്തിയ പ്രസംഗമാണ് വിവാദമായത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
