1993ലെ മുംബൈ സ്‌ഫോടനകേസിലെ മുഖ്യപ്രതിയും സൂത്രധാരനുമായ യാക്കൂബ് മേമന്റെ വധശിക്ഷ സപ്രീംകോടതി ശരിവച്ചു. മേമന്റെ വധശിക്ഷ റദ്ദുചെയ്യണമെന്ന് ആവശ്യപ്പെട്ട് സമര്‍പ്പിച്ച പ്രത്യേക പുനഃപരിശോധന ഹര്‍ജി കോടതി തള്ളി. ഇതിനുശേഷമാണ് വധശിക്ഷ ശരിവച്ചുകൊണ്ട് സുപ്രീംകോടതി ഉത്തരവിട്ടത്. 2014 സെപ്റ്റംബറിലാണ് യാക്കൂബ് മേമന്റെ ദയാഹര്‍ജി രാഷ്ട്രപതി തള്ളിയത്. രണ്ട് ദശകത്തിലധികമായി കസ്റ്റഡിയിലായിരുന്ന മേമന്‍ ഇപ്പോള്‍ നാഗ്പൂര്‍ ജയിലിലാണുള്ളത്. സ്‌ഫോടനത്തിന്റെ സൂത്രധാരനായിരുന്ന ടൈഗര്‍ മേമന്റെ സഹോദരനാണ് യൂക്കൂബ്.

1993 മാര്‍ച്ച് 12ന് മുംബയിലെ വിവിധ ഇടങ്ങളിലുണ്ടായ സ്‌ഫോടനങ്ങളില്‍ 257 പേര്‍ മരിക്കുകയും 713 പേര്‍ക്ക് പരുക്കേല്‍ക്കുകയും ചെയ്തു. കേസിലെ മുഖ്യപ്രതിയും അധോലകനായകനുമായടൈഗര്‍ മേമന്റെ സഹോദരനാണ് യാക്കൂബ്. 1994ല്‍ നേപ്പാളിലെ കാഠ്മണ്ഡുവില്‍ വച്ച് യാക്കൂബ് അറസ്റ്റിലായത്. 2007ലാണ് ടാഡ കോടതി വധശിക്ഷ വിധിച്ചത്. 2013ല്‍ സുപ്രീംകോടതി ശിക്ഷ ശരിവച്ചു. അതേവര്‍ഷം ഒക്ടോബറില്‍ യാക്കൂബ് രാഷ്ട്രപതിക്ക് ദയാഹര്‍ജി നല്‍കിയെങ്കിലും പിന്നീട് തള്ളി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha