ജമ്മു-കശ്മീരിലെ കുല്ഗാം ജില്ലയില് സുരക്ഷാസേനയും തീവ്രവാദികളും തമ്മില് ഉണ്ടായ ഏറ്റുമുട്ടലില് രണ്ടു ഭീകരര് കൊല്ലപ്പെട്ടു
ജമ്മു-കശ്മീരിലെ കുല്ഗാം ജില്ലയില് സുരക്ഷാസേനയും തീവ്രവാദികളും തമ്മില് ഉണ്ടായ ഏറ്റുമുട്ടലില് രണ്ടു ഭീകരര് കൊല്ലപ്പെട്ടതായി പൊലീസ് അറിയിച്ചു . കുല്ഗാമിലെ അറാ മേഖലയില് തീവ്രവാദികള് ഒളിച്ചിരിക്കുന്നുവെന്ന സന്ദേശം ലഭിച്ചതിനെ തുടര്ന്ന് നടത്തിയ തിരച്ചിലിനിടെ സേനക്കു നേരെ വെടിവെപ്പുണ്ടാവുകയായിരുന്നുവെന്നും പ്രത്യാക്രമണം നടത്തിയപ്പോള് തീവ്രവാദി കൊല്ലപ്പെടുകയായിരുന്നുവെന്നും അധികൃതര് വ്യക്തമാക്കി .ഒരു സുരക്ഷ ഭടന് പരിക്കേറ്റതായും ഇദ്ദേഹത്തെ ആശുപത്രിയില് പ്രവേശിപ്പിച്ചുവെന്നും പൊലീസ് അറിയിച്ചു .
ഇതിനിടെ, രജൗറി ജില്ലയില് ഭീകരകേന്ദ്രങ്ങളില് റെയ്ഡ് നടത്തി വന് ആയുധശേഖരം പിടിച്ചെടുത്തതായി അധികൃതര് അറിയിച്ചു . തനാമണ്ഡി മേഖലയിലെ ദര്ദസാന് ഗ്രാമത്തില് പൊലീസിന്റെയും രാഷ്ട്രീയ റൈഫിള്സിന്റെയും സംയുക്ത തിരച്ചിലിലാണ് ഭീകരകേന്ദ്രം കണ്ടെത്തിയതെന്നും ഔദ്യോഗിക കേന്ദ്രങ്ങള് അറിയിച്ചു .
https://www.facebook.com/Malayalivartha
