റാഫേല് വിമാനങ്ങള് വാങ്ങുന്നതിനെതിരെ സുബ്രഹ്മണ്യന് സ്വാമി
ഫ്രാന്സില് നിന്ന് 36 റാഫേല് യുദ്ധവിമാനങ്ങള് വാങ്ങാന് കരാറൊപ്പിട്ടതിനെതിരെ ബി.ജെ.പി ദേശീയ എക്സിക്യൂട്ടീവ് അംഗം സുബ്രഹ്മണ്യന് സ്വാമി രംഗത്ത്. കരാറുമായി മുന്നോട്ട് പോവരുതെന്ന് അദ്ദേഹം, ഫ്രാന്സ് സന്ദര്ശിക്കുന്ന പ്രധാനമന്ത്രി നരേന്ദ്ര മോദിയോട് അഭ്യര്ത്ഥിച്ചു. കരാറിനെതിരെ കോടതിയെ സമീപിക്കുന്ന കാര്യത്തില് ഇതുവരെ തീരുമാനം എടുത്തിട്ടില്ലെന്നും സ്വാമി പറഞ്ഞു.
മുന് യു.പി.എ സര്ക്കാരിന്റെ കാലത്താണ് റാഫേല് വിമാനങ്ങള് വാങ്ങുന്നതിനുള്ള പ്രാഥമിക ചര്ച്ചകള് തുടങ്ങിയത്. അതിന്റെ പിന്തുടര്ച്ചയായാണ് മോദി സര്ക്കാര് 36 വിമാനങ്ങള് വാങ്ങാനുള്ള കരാരില് ഒപ്പിട്ടത്.
റാഫേല് വിമാനങ്ങള് വാങ്ങാനുള്ള തീരുമാനം സര്ക്കാരിന് തിരിച്ചടിയാവും. റാഫേല് കുറഞ്ഞ ഇന്ധനക്ഷമത കുറഞ്ഞതും മോശം പ്രകടനവുമുള്ള വിമാനമാണ്. ഇത് സര്ക്കാരിന് നാണക്കേട് വരുത്തി വയ്ക്കുമെന്നും സുബ്രഹ്മണ്യന് സ്വാമി ചൂണ്ടിക്കാട്ടി. ലിബയയിലും ഈജിപ്തിലും ഇത് തെളിഞ്ഞതാണെന്നും സ്വാമി കൂട്ടിച്ചേര്ത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
