ഐഎഎസ്, ഐപിഎസ് ഉദ്യോഗസ്ഥര് അയ്യായിരം രൂപയിലധികം പരിതോഷികങ്ങള് വാങ്ങുന്നതില് വിലക്ക്
ഇനി മുതല് ഐ.എ.എസ്, ഐ.പി.എസ് ഉദ്യോഗസ്ഥര് അയ്യായിരം രൂപയിലധികം പരിതോഷികങ്ങള് വാങ്ങിയാല് പണികിട്ടും. സര്ക്കാരില് നിന്നും മുന്കൂര് അനുവാദം വാങ്ങാതെ പരിതോഷികങ്ങള് വാങ്ങാന് പാടില്ലെന്നാണ് പുതിയ ഉത്തരവ്. സൗജന്യ ഗതാഗതം, താമസസൗകര്യങ്ങള് എന്നിവയ്ക്കു ഇത് ബാധകമാക്കും. കൈകൂലി വാങ്ങുന്നതും കൊടുക്കുന്നതും എന്നും നിയമവിരുദ്ധമാണ്. ഏത് സ്ഥാനത്തിരിക്കുന്നവര് അത് ചെയ്താലും കുറ്റം തന്നെയാണ്.
അത് പോലെ തന്നെ ആള് ഇന്ത്യാ സര്വീസസ് റൂള്സില് അടുത്തിടെ നടപ്പിലാക്കിയ ഭേദഗതി പ്രകാരം സുഹൃത്തുക്കളില് നിന്നോ ബന്ധുക്കളില് നിന്നോ 25,000 രൂപയിലേറെ വിലയുള്ള പാരിതോഷികങ്ങള് സ്വീകരിക്കുന്നതിന് സര്ക്കാരിനെ മുന്കൂട്ടി അറിയിക്കണമെന്നും നിയമമുണ്ട്.ഔദ്യോഗികമായി ബന്ധമില്ലാത്തവരില് നിന്ന് വിവാഹം, വാര്ഷികം തുടങ്ങിയവയടങ്ങുന്ന മതപരമായ ചടങ്ങുകളില് പാരിതോഷികങ്ങള് സ്വീകരിക്കുന്നതില് വിലക്കില്ലെങ്കിലും ഇവയ്ക്ക് മേല്പ്പറഞ്ഞ തുകയ്ക്കുമേലെ മൂല്യമുണ്ടാകുന്ന അവസരങ്ങളിലാണ് നിയമം പ്രാവര്ത്തികമാക്കേണ്ടത്.
ആഢംബരപൂര്ണമായ ആതിഥ്യങ്ങളും തുടര്ച്ചയായ സൗജന്യങ്ങളും ഒഴിവാക്കേണ്ടതാണെന്ന് ആള് ഇന്ത്യ സര്വീസസ്(കണ്ടക്ട്) അമന്റ്മെന്റ് റൂള്സ് 2015 വ്യക്തമാക്കുന്നു. ഇതെല്ലാം കൊണ്ട് തന്നെ സൂക്ഷിച്ച് വേണം ഇനി മുതല് ഐപിഎസ്, ഐഎഎസ് ഉദ്യോഗസ്ഥര് പണമിടപാടുകള് നടത്തേണ്ടതും. ഇല്ലെങ്കില് ജോലി പോകുമെന്നുള്ളത് ഉറപ്പ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha