അബദ്ധത്തില്‍ കാറിനുള്ളില്‍ അകപ്പെട്ട മൂന്നു കുട്ടികള്‍ ശ്വാസംകിട്ടാതെ മരിച്ചു. ആറ് വയസ്സുകാരികളായ സുഹൃത്തുക്കളാണ് ദാരുണമായ അപകടത്തിന് ഇരയായത്. പോലീസ് അന്വേഷണം ആരംഭിച്ചിട്ടുണ്ട്.. വിജയവാഡയ്‍ക്ക് അടുത്ത് കൃഷ്‍ണ ജില്ലയിലാണ് സംഭവം.

കുട്ടികളെ വാഹനങ്ങളില്‍ തനിച്ചാക്കി ലോക്ക് ചെയ്തുപോകുന്ന ഇത്തരം സംഭവങ്ങള്‍ ആവര്‍ത്തിച്ചു വരികയാണ്. മാതാപിതാക്കളുടെ അശ്രദ്ധ മൂലം കുട്ടികളുടെ മരണം ഉള്‍പ്പെടെയുള്ള അപകടങ്ങള്‍ക്ക് ഇത് കാരണമാകും..

പ്രായപൂര്‍ത്തിയാകാത്ത കുട്ടികളെ വാഹനത്തിനുള്ളില്‍ തനിച്ചിരുത്തുന്ന സംഭവങ്ങള്‍ പല അപകടങ്ങള്‍ക്കും കാരണമാകുമെന്നും കേന്ദ്ര മോട്ടോര്‍ വാഹന നിയമപ്രകാരം ഇത് ശിക്ഷാര്‍ഹമാണെന്നും ഔദ്യോഗിക ഫേസ്ബുക്ക് പേജിൽ കേരളം പോലീസ് വ്യക്തമാക്കിയിട്ടുണ്ട് .