ഇനിയും പറ്റിപ്പ് അനുവദിക്കില്ല... നഴ്സിംഗ് റിക്രൂട്ട്മെന്റില് തട്ടിപ്പ് നടത്തിയ ഏജന്സികളുടെ ലൈസന്സ് റദ്ദാക്കും; ഈ ഏജന്സികളെ കരിമ്പട്ടികയില്പ്പെടുത്തി സ്വത്ത് കണ്ട് കെട്ടും
എമിഗ്രേഷന് നിയമം (1983) ലംഘിച്ച റിക്രൂട്ടിങ് ഏജന്സികളുടെ ലൈസന്സ് റദ്ദാക്കുമെന്നു പ്രട്ടക്ടര് ജനറല് ഓഫ് എമിഗ്രന്റ്സ്. കേന്ദ്രസര്ക്കാരിന്റെ കരിമ്പട്ടികയിലുള്ള ഏജന്സികള് റിക്രൂട്ട്മെന്റ് നടത്തുന്നതിനെക്കുറിച്ച് അന്വേഷിച്ച് അവയുടെ സ്വത്ത് കണ്ടുകെട്ടാന് ശിപാര്ശ ചെയ്യും.
എം.കെ. ട്രാവല്സ്, പാന് ഏഷ്യന് ടൂര്സ് ആന്ഡ് ട്രാവല്സ്, എം.ടി. ട്രാവല്സ്, ഹൈസ്പീഡ് ട്രാവല്സ്, ഹഫീസ് ട്രാവല്സ്, ഫോറിന് എംപ്ലോയ്മെന്റ് ഇന്ഫര്മേഷന് സെന്റര്, ബാലാജി എന്റര്പ്രൈസസ്, രാജസ്ഥാന് ട്രാവല് ആന്ഡ് ട്രേഡ്ലിങ്ക്, റിക്കി ഇന്റര്നാഷണല്, സാഗര് എന്റര്പ്രൈസസ് തുടങ്ങി വിദേശകാര്യമന്ത്രാലയം കരിമ്പട്ടികയില്പെടുത്തിയ സ്ഥാപനങ്ങള് ഇപ്പോഴും റിക്രൂട്ട്മെന്റ് രംഗത്തു സജീവമാണെന്ന റിപ്പോര്ട്ടുകള് പുറത്തുവന്നിരുന്നു.
മേയ് ഒന്നുമുതല് സര്ക്കാര് ഏജന്സികള് വിദേശ റിക്രൂട്ട്മെന്റ് ഏറ്റെടുക്കുന്നതിനുമുന്നോടിയായി സ്വകാര്യ ഏജന്സികളോടു റിക്രൂട്ട്മെന്റ് നിര്ത്തിവയ്ക്കാന് പ്ര?ട്ടക്ടര് ജനറല് ഓഫ് എമിഗ്രന്റ്സ് ആവശ്യപ്പെട്ടിരുന്നു.
ഈ ഉത്തരവു മറികടന്നു കൊച്ചിയിലെ പല ഏജന്സികളും റിക്രൂട്ട്മെന്റ് നടത്തിയതായി വിവരം ലഭിച്ചതിനേത്തുടര്ന്നു നടത്തിയ റെയ്ഡില് പാലാരിവട്ടത്തെ മാത്യു ഇന്റര്നാഷണല് ഏജന്സിയില്നിന്ന് ഒന്നരക്കോടി രൂപ പിടികൂടി.
നഴ്സിങ് റിക്രൂട്ട്മെന്റ് തട്ടിപ്പു നടത്തിയ അല്സറഫ ഏജന്സിക്കെതിരായ സി.ബി.ഐ. കേസ് പുരോഗമിക്കുന്നതിനിടെയാണ് ആദായനികുതി വകുപ്പിന്റെ നടപടി.
മാത്യു ഇന്റര്നാഷണലിനെതിരേയും സി.ബി.ഐ. അന്വേഷണം തുടങ്ങി. ആയിരക്കണക്കിനു നഴ്സിങ് ഉദ്യോഗാര്ഥികളാണു സ്വകാര്യ റിക്രൂട്ടിങ് ഏജന്സികള്ക്കു കഴിഞ്ഞമാസം അഡ്വാന്സ് പണം നല്കിയത്. ഇതിനു രസീതോ മറ്റു രേഖകളോ നല്കാറില്ല.
കുവൈത്ത് ആരോഗ്യമന്ത്രാലയത്തില് ജോലിക്കെത്തുന്ന നഴ്സുമാരെ അല്സറഫ ഏജന്സി ഉടമ ഉതുപ്പ് വര്ഗീസ് ഭീഷണിപ്പെടുത്തി പണം തട്ടുന്നതായും ആക്ഷേപമുണ്ട്. അല്ലാത്തവരുടെ ശമ്പളത്തില്നിന്നു തുക ഈടാക്കുമെന്നാണു ഭീഷണി. ഒരുമാസം മുമ്പു കൊച്ചിയില് അഭിമുഖം കഴിഞ്ഞ നഴ്സുമാര് 510 ലക്ഷം രൂപ അഡ്വാന്സ് നല്കിയിരുന്നു. റെയ്ഡും അന്വേഷണങ്ങളും മൂലം ഏജന്സികളുടെ റിക്രൂട്ട്മെന്റ് മറ്റു സംസ്ഥാനങ്ങളിലേക്കും വിദേശത്തേക്കും മാറ്റിയതു മുതലെടുത്താണു വന്പിടിപാടുള്ള ഉതുപ്പ് നഴ്സുമാരെ പിഴിയുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
