ഓടുന്ന ബസിനുള്ളില്‍ പീഡിപ്പിക്കാന്‍ ശ്രമിച്ച സംഭവത്തില്‍ രണ്ടുപേരെ അറസ്റ്റ് ചെയ്തു. കണ്ടക്ടര്‍ക്കെതിരെയും സഹയാത്രികര്‍ക്കെതിരെയും പോലീസ് കേസെടുത്തിട്ടുണ്ട്. ഇന്നലെയാണ് പഞ്ചാബിലെ മോഗയില്‍ ഓടുന്ന ബസില്‍ അമ്മയെയും മകളെയും പീഡിപ്പിക്കാന്‍ ശ്രമമുണ്ടായത്. എതിര്‍ത്ത ഇരുവരെയും പുറത്തേക്കെറിയുകയായിരുന്നു. തലയ്ക്കു പരുക്കേറ്റ പെണ്‍കുട്ടി മരിച്ചു. ഗുരുതരമായി പരുക്കേറ്റ അമ്മ ചികില്‍സയിലാണ്.
മോഗയില്‍ നിന്ന് ഗുര്‍ദ്വാരയിലെ ബന്ധു വീട്ടിലേക്കു പോകുന്നതിനിടെയായിരുന്നു സംഭവം. മോഗയില്‍ നിന്ന് സ്വകാര്യ ബസില്‍ കയറിയ ഇരുവര്‍ക്കുമെതിരെ പീഡനശ്രമം ഉണ്ടാകുകയായിരുന്നു. സംഭവസമയത്ത് ബസില്‍ വിരലില്‍ എണ്ണാന്‍ സാധിക്കുന്ന യാത്രക്കാര്‍ മാത്രമേ ഉണ്ടായിരുന്നുള്ളു. ഇവര്‍ ബസില്‍ കയറിയ ഉടന്‍തന്നെ യാത്രക്കാരില്‍ നിന്നു മകളെ അപമാനിക്കാന്‍ ശ്രമമുണ്ടായി. ഇതു തടയാന്‍ ശ്രമിച്ച അമ്മയെയും ഇവര്‍ അപമാനിച്ചു.
മകള്‍ക്കെതിരെ അപമാനശ്രമമുണ്ടായപ്പോള്‍ തന്നെ അമ്മ കണ്ടക്ടറുടെയും ഡ്രൈവറുടെയും സഹായം അഭ്യര്‍ഥിച്ചെങ്കിലും ആരും തയാറായില്ല. സഹയാത്രക്കാരും സഹായത്തിനെത്തിയല്ല. ഇതേത്തുടര്‍ന്നാണ് ബസ് വളവു തിരിഞ്ഞപ്പോള്‍ അമ്മ, മകളുമായി പുറത്തേക്കു ചാടിയത്. എന്നാല്‍ തലയ്ക്കു പരുക്കേറ്റ പെണ്‍കുട്ടി ആശുപത്രിയിലേക്കുള്ള വഴിമധ്യേ മരണത്തിനു കീഴടങ്ങി.
അന്വേഷണത്തില്‍ പൊലീസ് ബസ് കണ്ടെടുത്തു. എന്നാല്‍ ഡ്രൈവറും കണ്ടക്ടറും ഒളിവിലാണ്. ഇവര്‍ക്കു വേണ്ടിയുള്ള തിരച്ചില്‍ തുടരുകയാണെന്ന് എസ്്‌ഐ അവ്താര്‍ സിങ് പറഞ്ഞു. പഞ്ചാബ് ഉപമുഖ്യമന്ത്രി സുഖ്ബീര്‍ സിങ് ബാദലിന്റെ ഉടമസ്ഥതയിലുള്ളതാണ് ഈ ബസ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha