വടക്കന് കര്ണാടകയില് രണ്ടിടങ്ങളിലായി നടത്തിയ റെയ്ഡില് 1350 കിലോ കഞ്ചാവ് പിടിച്ചെടുത്തു, കഞ്ചാവ് ഒളിപ്പിച്ചിരുന്നത് ഫാമിലെ ഭൂഗര്ഭ അറയില്
കര്ണാടകയില് വീണ്ടും ലഹരിവേട്ട. വടക്കന് കര്ണാടകയിലെ കലബുറഗിയില് നടത്തിയ റെയ്ഡില് 1350 കിലോ കഞ്ചാവാണ് പിടിച്ചെടുത്തത്. പ്ലാസ്റ്റിക് ബാഗിലാക്കിയ കഞ്ചാവ് ഫാമിന്റെ ഭൂഗര്ഭ അറയില് കുഴിച്ചിട്ട നിലയിലാണ് കണ്ടെത്തിയതെന്ന് പൊലീസ് പറഞ്ഞു. കമലാപുരിയിലെ ഹോബ്ലിയില് നടത്തിയ റെയ്ഡില് 150 കിലോ കഞ്ചാവും കലഗി താലൂക്കിലെ ചെമ്മരിയാട് ഫാമില് നടത്തിയ റെയ്ഡില് 1200 കിലോ കഞ്ചാവുമാണ് പിടിച്ചെടുത്തത്. നാലു പേരെ പൊലീസ് അറസ്റ്റു ചെയ്തു.
കോളജ് വിദ്യാര്ഥികള്ക്ക് കഞ്ചാവ് വിറ്റതിന് നഗരത്തിലെ ശേഷാദ്രിപുരം പ്രദേശത്തെ ഒരു ഓട്ടോ ഡ്രൈവര് പിടിയിലായിരുന്നു. ഇയാളില്നിന്ന് ലഭിച്ച വിവരത്തിന്റെ അടിസ്ഥാനത്തിലായിരുന്നു റെയ്ഡ്. ഒഡിഷയില് നിന്നാണ് കഞ്ചാവ് കര്ണാടകയിലേക്ക് എത്തുന്നതെന്നു പിടിയിലായവര് പൊലീസിനോട് പറഞ്ഞു.
ഒഡിഷയില് നിന്ന് തെലങ്കാനയില് എത്തിക്കുന്ന കഞ്ചാവ് പച്ചക്കറി ലോറികളിലൂടെയാണ് കര്ണാടകയിലേക്ക് എത്തുന്നത്. ഇത് ഫാമിന്റെ ഭൂഗര്ഭ അറകളില് കുഴിച്ചിടുകയാണ് പതിവെന്നും ഇവര് പൊലീസിനോട് പറഞ്ഞു. കേസന്വേഷണത്തില് പങ്കെടുത്ത ഉദ്യോഗസ്ഥര്ക്ക് ബെംഗളൂരു സിറ്റി പൊലീസ് കമ്മിഷണര് 2 ലക്ഷം രൂപ വീതം പാരിതോഷികം നല്കി.
https://www.facebook.com/Malayalivartha
