സംസാരശേഷിയും കേള്വികുറവുമുള്ള യുവദമ്പതികള് ആംഗ്യഭാഷയിലൂടെ തങ്ങള് ജീവനൊടുക്കുകയാണെന്ന് പറയുന്ന വിഡിയോയും ലൊക്കേഷനും സുഹൃത്തുക്കള്ക്ക് അയച്ചു നല്കി ആത്മഹത്യചെയ്തു
സംസാരശേഷിയും കേള്വികുറവുമുള്ള യുവദമ്പതികള് ആംഗ്യഭാഷയിലൂടെ തങ്ങള് ജീവനൊടുക്കുകയാണെന്ന് പറയുന്ന വിഡിയോയും ലൊക്കേഷനും സുഹൃത്തുക്കള്ക്ക് അയച്ചു നല്കി ആത്മഹത്യചെയ്തു. തെലങ്കാനയിലെ നല്ഗൊണ്ടയില് വ്യാഴാഴ്ച പുലര്ച്ചെയാണ് സംഭവം നടന്നത്.ആന്ധ്രാപ്രദേശിലെ ഗുണ്ടൂര് സ്വദേശിയായ ഷെയ്ഖ് മസ്താന് അലി(27), തെലങ്കാന നിസാമാബാദ് സ്വദേശി എന്.അശ്വനി (20) എന്നിവരാണ് മരിച്ചത്. ആംഗ്യഭാഷയില് ഒരു സെല്ഫി വീഡിയോ റെക്കോര്ഡ് ചെയ്ത് സുഹൃത്ത് അയച്ച ശേഷം ഇവര് തീകൊളുത്തി മരിക്കുകയായിരുന്നു.
വീഡിയോക്കൊപ്പം ലൊക്കേഷനും സുഹൃത്തുക്കള്ക്ക് അയച്ചിരുന്നു. ഇതിന്റെ പൊലീസ് സഹായത്തോടെ സുഹൃത്തുക്കള് സ്ഥലത്തെത്തിയെങ്കിലും ഇവരുടെയും കത്തി തീര്ന്ന മൃതദേഹങ്ങളാണ് കണ്ടെത്താനായത്.ഷെയ്ഖ് മസ്താന് അലിയും അശ്വിനിയും ഇ-കൊമേഴ്സ് സ്ഥാപനത്തിലെ പാക്കിംഗ് ഡിവിഷനില് ജോലി ചെയ്യുകയായിരുന്നു. വിവാഹിതനായ അലിയുമായി അശ്വനി പ്രണയത്തിലായിരുന്നു. ആറുമാസം മുമ്ബ് യുവതിയെ കാണാതായതായി കുടുംബം ഹൈദരാബാദിലെ വനിതാ പൊലീസ് സ്റ്റേഷനില് പരാതി നല്കി.
തുടര്ന്ന് ഇവര് ഹൈദരാബാദിലെ മെഹന്തി പട്ടണം ഏരിയയില് താമസിക്കുന്നതായി കണ്ടെത്തി. പ്രണയബന്ധത്തെ വീട്ടുകാര് ശക്തമായി എതിര്ത്തതിനാല് ഇരുവരും വെവ്വേറെ സ്ഥലത്താണ് താമസിച്ചിരുന്നത്.തിങ്കളാഴ്ചയാണ് ഇരുവരെയും കാണാതാവുകയായിരുന്നു. അശ്വിനി കാണാതായതിനെ തുടര്ന്ന് കുടുംബം പരാതി നല്കി. ബുധനാഴ്ച രാത്രി ഇരുവരും മൊബൈല് ഫോണുകള് സ്വിച്ച് ഓഫ് ചെയ്യുന്നതിന് തൊട്ട് മുമ്ബ് സുഹൃത്തുക്കളുടെ വാട്സ്ആപ്പ് ഗ്രൂപ്പിലേക്ക് ഒരുമിച്ച് ജീവനൊടുക്കുകയാണെന്ന് അറിയിച്ച് വിഡിയോ പങ്കുവെക്കുകയായിരുന്നു.
https://www.facebook.com/Malayalivartha
