അണ്ലോക്ക് 4 .....മാസങ്ങള്ക്കുശേഷം താജ്മഹല് സന്ദര്ശകര്ക്കായി ഇന്ന് കര്ശന നിയന്ത്രണങ്ങളോടെ തുറന്നു കൊടുക്കും
മാസങ്ങള്ക്കുശേഷം താജ്മഹല് സന്ദര്ശകര്ക്കായി ഇന്ന് കര്ശന നിയന്ത്രണങ്ങളോടെ തുറന്നു കൊടുക്കും. അണ്ലോക്ക് 4ന്റെ ഭാഗമായാണ് താജ്മഹല് തുറന്നുകൊടുക്കാനുള്ള തീരുമാനം.ദിവസം 5000 പേരെ മാത്രമായിരിക്കും താജില് പ്രവേശിക്കാന് അനുവദിക്കുക. ആഗ്ര കോട്ടയില് 2500 പേര്ക്ക് മാത്രമേ പ്രതിദിനം സന്ദര്ശനാനുമതിയുള്ളൂ. ടിക്കറ്റ് കൗണ്ടറുകളുണ്ടായിരിക്കില്ല. പകരം ഇലക്ട്രിക് ടിക്കറ്റുകളായിരിക്കും സന്ദര്ശകര്ക്ക് ഇനിമുതല് നല്കുക.
മാസ്ക് ധരിക്കുക , സാനിറ്റൈസര് തുടങ്ങിയ കാര്യങ്ങള് നിര്ബന്ധമായും പാലിക്കണം. ഫോ ട്ടോ എടുക്കുന്നതിനും ചില മാനദണ്ഡങ്ങളുണ്ട്. ഒരു ഫ്രെയിമില് രണ്ടുപേരുണ്ടാകുന്നതിന് കുഴപ്പമില്ല. പക്ഷെ, ഇരുവരും തമ്മില് ആറടി അകലം പാലിക്കണമെന്നുമാത്രം. വിനോദ സഞ്ചാരികള്ക്ക് ഒറ്റയ്ക്കുള്ള ചിത്രങ്ങള് പകര്ത്താം. എന്നാല്, ഒരുമിച്ചുള്ളത് പകര്ത്തണമെങ്കില് സാമൂഹിക അകലം പാലിച്ചുകൊണ്ട് മാത്രം മതി.
വിനോദ സഞ്ചാരികളെ കൈകളുപയോഗിച്ച് സെക്യൂരിറ്റി ചെക്ക് നടത്തുകയില്ല. മറിച്ച്, മെറ്റല് ഡിറ്റക്റ്ററുകളും ഹാന്ഡില്ഡ് ഡിറ്റക്റ്ററുകളും മാത്രമായിരിക്കും ഉപയോഗിക്കുക. സഞ്ചാരികള് പ്രവേശിക്കുന്ന പരിസരങ്ങളെല്ലാം തന്നെ ദിവസവും രണ്ടുതവണ സാനിറ്റൈസ് ചെയ്യും. കോവിഡുമായി ബന്ധപ്പെട്ടുള്ള മുന്കരുതലുകള്ക്ക് ഇപ്പോള് വളരെ പ്രാധാന്യമുണ്ട്, എന്നതിനാലാണ് പുതിയ നിയമങ്ങള് രൂപപ്പെടുത്തിയിരിക്കുന്നതെന്നും ബന്ധപ്പെട്ട അധികൃതര് വിശദീകരിച്ചു.
"
https://www.facebook.com/Malayalivartha