റിയ ചക്രബര്ത്തി ലഹരിമാഫിയ സംഘത്തിന്റെ പ്രധാന കണ്ണി ; സമൂഹത്തിലെ ഉന്നത വ്യക്തികളെ സിന്ഡിക്കേറ്റുമായി കൂട്ടിയിണക്കിയിരുന്നത് നടി
ലഹരിമരുന്ന് കേസില് അറസ്റ്റിലായ റിയ ചക്രബര്ത്തി ലഹരിമാഫിയ സംഘത്തിന്റെ പ്രധാന കണ്ണിയാണെന്ന് റിപ്പോർട്ട്. നാര്ക്കോട്ടിക്സ് കണ്ട്രോള് ബ്യൂറോ ബോംബെ ഹൈക്കോടതിയില് അറിയിച്ചതാണ് ഇക്കാര്യം. റിയ ചക്രബര്ത്തി ലഹരി മരുന്ന് സിന്ഡിക്കേറ്റിലെ സജീവ അംഗമായിരുന്നുവെന്നും, സമൂഹത്തിലെ ഉന്നത വ്യക്തികളെ സിന്ഡിക്കേറ്റുമായി കൂട്ടിയിണക്കിയിരുന്നത് നടിയാണെന്നും എന്സിബി കോടതിയില് അറിയിച്ചു. എന്സിബി മേഖലാ ഡയറക്ടര് സമീര് വാങ്കഡെയാണ് എന്സിബി സത്യവാങ്മൂലത്തില് ഇക്കാര്യം വ്യക്തമാക്കിയത്.
റിയ മയക്കുമരുന്ന് കടത്തലിന് സാമ്ബത്തിക നല്കിയതിന് തെളിവുകളുണ്ട്. വാട്സ് ആപ്പ് ചാറ്റുകള്, മൊബൈല്, ലാപ്ടോപ്പ്, ഹാര്ഡ് ഡിസ്ക് തുടങ്ങിയവയിലെ ഡിലീറ്റ് ചെയ്ത സന്ദേശങ്ങള് വീണ്ടെടുത്തതിലൂടെ തെളിവുകള് ലഭിച്ചു.. ഇതില് മയക്കുമരുന്ന് ഇടപാടിന്റെ സാമ്ബത്തിക കാര്യങ്ങളും വ്യക്തമാക്കുന്നുണ്ട്. സുശാന്ത് മയക്കുമരുന്ന് ഉപയോഗിച്ചിരുന്ന കാര്യം റിയക്ക് അറിയാമായിരുന്നു എന്നും എന്നാല് ഇക്കാര്യം പുറത്തറിയാതെ റിയ ഒളിപ്പിച്ചുവെച്ചിരുന്നതായും എന്സിബി റിപ്പോർട്ടിൽ പറയുന്നു..
സുശാന്തിന് ലഹരി മരുന്ന് എത്തിച്ചു നല്കിയതിന് വ്യക്തമായ തെളിവുകള് അന്വേഷണ സംഘത്തിന് ലഭിച്ചെന്നും എന്സിബി മേഖലാ ഡയറക്ടര് സമീര് വാങ്കഡെ സത്യവാങ്മൂലത്തില് പറഞ്ഞു. റിയയുടെ സഹോദരന് ഷൗവിക് ചക്രബര്ത്തിക്കെതിരെയും എന്സിബി ആരോപണങ്ങള് ഉന്നയിച്ചു. കേസുമായി ബന്ധപ്പെട്ട് ഡിജിറ്റല് തെളിവുകള് എന്സിബി ശേഖരിച്ചിട്ടുണ്ട്. അറസ്റ്റിലായ അനൂജ് കേശ്വാനിയുമായി റിയക്ക് അടുത്ത ബന്ധമുണ്ട് എന്നാണ് വിവരം.
https://www.facebook.com/Malayalivartha