ഗോവധം നിരോധിച്ചു സര്ക്കാര്; മാംസാഹാരം പുറം രാജ്യങ്ങളില് നിന്നും ഇറക്കുമതി ചെയ്യാം
കന്നുകാലികളെ കശാപ്പ് ചെയ്യുന്നതിന് നിരോധനം ഏര്പ്പെടുത്തി ശ്രീലങ്കൻ സര്ക്കാര്. ഇതിന് മന്ത്രിസഭായോഗം അംഗീകാരം നല്കിയതായും നിയമം ഉടന് പ്രാബല്യത്തില് വരുമെന്നും കാബിനറ്റ് വക്താവ് കെഹെലിയ റംബുക്വെല്ല വ്യക്തമാക്കി. അതേസമയം രാജ്യത്ത് മാംസാഹാരം കഴിക്കുന്നവര്ക്കായി പുറം രാജ്യങ്ങളില് നിന്നും ഇത് ഇറക്കുമതി ചെയ്യാമെന്നും അദ്ദേഹം വ്യക്തമാക്കി.
നിലവില് രാജ്യത്തുളള നിയമത്തില് മാറ്റം വരുത്തും. ഇതിനായി കന്നുകാലി കശാപ്പ് ഓര്ഡിനന്സ്, മറ്റ് അനുബന്ധ നിയമങ്ങളും ചട്ടങ്ങളും ഭേദഗതി ചെയ്യാന് ആവശ്യമായ നടപടികള് സ്വീകരിക്കുമെന്നും മന്ത്രിസഭ അറിയിച്ചു. അതോടൊപ്പം കാര്ഷിക ആവശ്യങ്ങള്ക്ക് ഉപയോഗിക്കാനകാത്ത പ്രായമായ കന്നുകാലികള്ക്കായി പ്രത്യേക പദ്ധതികള് തയ്യാറാക്കുമെന്നും സര്ക്കാര് അറിയിച്ചു. ശ്രീലങ്കയിലെ ഗ്രാമീണ ജനതയുടെ ഉപജീവനമാര്ഗം വികസിപ്പിക്കുന്നതിന് കന്നുകാലി വിഭവത്തിന്റെ സംഭാവന ഏറെ വലുതാണെന്നും മന്ത്രിസഭായോഗം വിലയിരുത്തി.
രാജ്യത്ത് കന്നുകാലികളെ കശാപ്പ് ചെയ്യുന്നത് നിരോധിക്കണമെന്നുളള പ്രധാനമന്ത്രി മഹീന്ദ രാജപക്സെയുടെ നിര്ദേശത്തിന് ഇക്കഴിഞ്ഞ സെപ്റ്റംബര് എട്ടിനാണ് ഭരണകക്ഷിയായ ശ്രീലങ്കയിലെ എസ്.എല്.പി.പി അംഗീകാരം നല്കിയത്.
https://www.facebook.com/Malayalivartha
