ജമ്മു കശ്മീരിലെ ഭീകരര്ക്ക് പണം ശേഖരിച്ചു നല്കുന്നതുമായി ബന്ധപ്പെട്ട് സന്നദ്ധ സംഘടനാ ഓഫിസുകളില് എന്ഐഎ റെയ്ഡ്
ചാരിറ്റി അലയന്സ്, ഹ്യൂമന് വെല്ഫെയര് ഫൗണ്ടേഷന് എന്നിവയടക്കം 6 സന്നദ്ധ സംഘടനകളുടെ ഓഫിസുകളില് ദേശീയ അന്വേഷണ ഏജന്സി (എന്ഐഎ) റെയ്ഡ് നടത്തി. ജമ്മു കശ്മീരില് ഭീകരപ്രവര്ത്തനം നടത്തുന്നതിനാവശ്യമായ പണം ശേഖരിച്ചു നല്കുന്നതുമായി ബന്ധപ്പെട്ട് ശ്രീനഗര്, ഡല്ഹി, ബെംഗളൂരു എന്നിവിടങ്ങളിലെ ഓഫിസുകള് കേന്ദ്രീകരിച്ചായിരുന്നു റെയ്ഡ്.
ചാരിറ്റി അലയന്സ് ചെയര്മാനും ഡല്ഹി ന്യൂനപക്ഷ കമ്മിഷന് മുന് മേധാവിയുമായ സഫറുല് ഇസ്ലാം ഖാന്റെ ഡല്ഹിയിലെ വീട്ടിലും റെയ്ഡ് നടത്തി. സംഘടനകളുടെ നേതൃത്വത്തില് ഇന്ത്യയിലും വിദേശത്തുമായി ഫണ്ട് ശേഖരിച്ചതിന്റെ രേഖകള് പിടിച്ചെടുത്തതായി എന്ഐഎ അറിയിച്ചു.
ശ്രീനഗറില് റജിസ്റ്റര് ചെയ്തതും അല്ലാത്തതുമായ സന്നദ്ധസംഘടനകളുടെ ഓഫിസുകളില് ഒന്പതിടത്ത് തുടര്ച്ചയായി 2 ദിവസം പരിശോധന നടന്നു. ഇവയില് ചില സംഘടനകളുടെ തലപ്പത്ത് ഹുറിയത് കോണ്ഫറന്സിലെ സഫര് അക്ബര് ഉള്പ്പെടെയുള്ള തീവ്രവാദികളുമുണ്ട്.
https://www.facebook.com/Malayalivartha
