അന്തരീക്ഷമലിനീകരണം വര്‍ദ്ധിക്കുന്നു.... കാറുകളും മറ്റു മോട്ടോര്‍ വാഹനങ്ങളും ഉപേക്ഷിച്ച് സൈക്കിളുകള്‍ ഉപയോഗിക്കേണ്ട സമയമായെന്ന് സുപ്രീം കോടതി. രാജ്യത്ത്, പ്രത്യേകിച്ച് രാജ്യതലസ്ഥാനത്ത് അന്തരീക്ഷ മലിനീകരണം അത്രയ്ക്കു രൂക്ഷമാണെന്നും ചൂണ്ടിക്കാട്ടി കൊണ്ടായിരുന്നു ചീഫ് ജസ്റ്റിസ് എസ്.എ. ബോബ്ഡെ അധ്യക്ഷനായ ബെഞ്ചിന്റെ പരാമര്‍ശം.

നമുക്കു കാറുകള്‍ ഉപയോഗിക്കുന്നത് അവസാനിപ്പിക്കാനാകില്ലേ? നമുക്കു സൈക്കിളുകള്‍ ഉപയോഗിക്കാം- കോടതി നിരീക്ഷിച്ചു. അയല്‍സംസ്ഥാനങ്ങളിലെ വയലുകളില്‍ വിളവെടുപ്പിനു ശേഷം അവശിഷ്ടങ്ങള്‍ക്കു തീയിടുന്നതു മാത്രമല്ല ഡല്‍ഹിയിലെ വായു മലിനീകരണത്തിനു കാരണമെന്നു വിദഗ്ധര്‍ പറയുന്നു.