ബിജെപി സര്‍ക്കാര്‍ ഏറെ നാളായി ആലോചിച്ച് കൊണ്ടിരിക്കുന്ന മാറ്റങ്ങളിലൊന്നാണ് കോമണ്‍ സിവില്‍ കോഡ് നടപ്പിലാക്കുക എന്നത്. എബി വാജ്‌പേയിയുടെ കാലത്ത് കേന്ദ്രത്തില്‍ ബിജെപി അധികാരത്തിലെത്തിയപ്പോഴും ഇതിനെ കുറിച്ചുള്ള ചര്‍ച്ചകള്‍ നടന്ന് കൊണ്ടിരുന്നു. എന്നാല്‍ കൂട്ടുകക്ഷി മന്ത്രിസഭയില്‍ അത് നടപ്പിലാക്കുക എന്നത് എളുപ്പമല്ല. സിവില്‍ കോഡ് നടപ്പിലാക്കുന്നതിന്റെ ആദ്യ ചുവടാണ് വിവാഹക്കാര്യത്തിലെ സുപ്രീംകോടതി നിര്‍ദ്ദേശം.

വിവാഹ കാര്യങ്ങളില്‍ രാജ്യത്തെ എല്ലാ സമുദായങ്ങള്‍ക്കുമായി പൊതുനിയമം വേണമെന്നാണ് സുപ്രീം കോടതി പറഞ്ഞത്. എന്നാല്‍ ഇക്കാര്യത്തില്‍ നിലപാട് വ്യക്തമാക്കാന്‍ ജഡ്ജിമാരായ വിക്രംജിത് സെന്‍, അഭയ് മനോഹര്‍ സപ്രെ എന്നിവരുടെ ബെഞ്ച് കേന്ദ്ര സര്‍ക്കാരിനോട് നിര്‍ദേശിച്ചു. സര്‍ക്കാരിന് അവരുടെതായ അഭിപ്രായങ്ങള്‍ പറയാം.
കോടതിയുടെ അനുമതി ഉണ്ടെങ്കില്‍ മാത്രമെ ഏകീകൃത സിവില്‍ കോഡ് നിയമം കേന്ദ്ര സര്‍ക്കാരിന് കൈവരിക്കാന്‍ സാധിക്കുകയുള്ളൂ. പ്രതീക്ഷയുടെ മുള്‍മുനയിലാണ് കേന്ദ്ര സര്‍ക്കാര്‍ ഇപ്പോള്‍.

മറ്റ് പഴുതുകള്‍ അടച്ചാകും വിവാഹക്കാര്യത്തില്‍ കേന്ദ്ര സര്‍ക്കാര്‍ മറുപടി നല്‍കുക. ക്രൈസ്തവര്‍ക്കു ബാധകമായ ഇന്ത്യന്‍ വിവാഹമോചന നിയമത്തിലെ 10 എ(1) വ്യവസ്ഥ ചോദ്യംചെയ്ത് ആല്‍ബര്‍ട്ട് ആന്റണി നല്‍കിയ ഹര്‍ജിയാണു കോടതി പരിഗണിച്ചത്. രണ്ടു വര്‍ഷമായി വേര്‍പിരിഞ്ഞു കഴിയുന്നവര്‍ക്കു മാത്രമേ വിവാഹമോചനം നല്‍കുകയുള്ളൂ എന്ന വ്യവസ്ഥയാണു ഹര്‍ജിക്കാരന്‍ ചോദ്യംചെയ്തത്. സ്‌പെഷല്‍ മാര്യേജ് നിയമം, ഹിന്ദു വിവാഹനിയമം, പാഴ്‌സി വിവാഹനിയമം തുടങ്ങിയവ ഒരു വര്‍ഷമായി പിരിഞ്ഞു കഴിയുന്നവര്‍ക്കു വിവാഹമോചനം അനുവദിക്കുന്നതാണ്.
ക്രൈസ്തവര്‍ക്കു ബാധകമായ നിയമത്തിനു കേന്ദ്രംതന്നെ ഭേദഗതി കൊണ്ടുവരേണ്ടതാണെന്നു കോടതി പറഞ്ഞിരിക്കുന്നത്. ഏതു മതത്തിലുള്ള വ്യക്തിക്കും ബാധകമാകുന്ന പൊതുനിയമം കൊണ്ടുവരാന്‍ സര്‍ക്കാര്‍ താല്‍പര്യം കാണിക്കണമെന്നും കോടതി പറയുന്നു. കേരള, കര്‍ണാടക ഹൈക്കോടതികള്‍ ഇന്ത്യന്‍ വിവാഹമോചന നിയമത്തിലെ രണ്ടുവര്‍ഷ വ്യവസ്ഥ ഭരണഘടനാ വിരുദ്ധമാണെന്നു നേരത്തെ വ്യക്തമാക്കിയിരുന്നു.

നിയമത്തിലെ ഈ വിവേചനങ്ങളെ കോടതി തന്നെ ചോദ്യം ചെയ്യുമ്പോള്‍ കോമണ്‍ സിവില്‍ കോഡിന്റെ പ്രസക്തി ഉയരും. അത് തന്നെയാണ് കേന്ദ്ര സര്‍ക്കാരിന്റെ ഉദ്ദേശവും. സിവില്‍ കോഡ് എന്ന് പറഞ്ഞാല്‍ വ്യക്തി നിയമം വ്യക്തി നിയമങ്ങളില്‍ ഹിന്ദുവിന് ഒരു നിയമം, ഇസ്ലാമിന് ഒരു നിയമം, ക്രിസ്ത്യാനിക്ക് ഒരു നിയമം അങ്ങനെ ആണ്.
ഇതിനു കാരണം മത നിയമങ്ങള്‍ സംരക്ഷിക്കുക ആയിരുന്നു. എന്നാല്‍ ഹിന്ദു നിയമങ്ങളില്‍ ഒരുപാടു പരിഷ്‌കരണങ്ങള്‍ വന്നിരുന്നു. ഏക ഭാര്യാത്വം, ഹിന്ദു വിവാഹ നിയമം, ഇവയൊക്കെ പരിഷ്‌കരിക്കപ്പെട്ടു. ഇസ്ലാമിക വ്യക്തി നിയമങ്ങള്‍ കാര്യമായ മാറ്റമില്ലാതെ ഇന്ത്യ നില നിര്‍ത്തി. ക്രൈസ്തവ നിയമങ്ങളും ചെറിയ മാറ്റങ്ങള്‍ക്കു വിധേയമായി എങ്കിലും എല്ലാവര്‍ക്കും പ്രത്യേകം നിയമങ്ങള്‍ നില നില്‍ക്കുന്നു. ഇത് ഏകീകരിക്കപ്പെട്ടു കൊണ്ട്, എല്ലാവര്ക്കും ഒരേ പോലെ ബാധകമായ സിവില്‍ കോഡ് വരണം എന്നതാണ് ബിജെപിയുടെ ആഗ്രഹം.
രാജ്യത്ത് ഏകീകൃത സിവില്‍ കോഡ് നടപ്പാക്കുകയാണ് പ്രഥമ ലക്ഷ്യമെന്ന് തെരഞ്ഞെടുപ്പ് പ്രചരണ സമയത്ത് മോദി തന്നെ വ്യക്തമാക്കിയിട്ടുള്ളതുമാണ്. സമുദായ, ധര്‍മ ആവശ്യങ്ങള്‍ക്കായി സ്വത്ത്ദാനം ചെയ്യുന്നതിന് ഇന്ത്യന്‍ പിന്തുടര്‍ച്ചാവകാശ നിയമത്തില്‍ െ്രെകസ്തവര്‍ക്കുള്ള നിയന്ത്രണം നീക്കുന്ന ഉത്തരവിലാണ് സുപ്രിം കോടതി ഏകീകൃത സിവില്‍ നിയമം അഭികാമ്യമാണെന്ന് അഭിപ്രായപ്പെട്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha