ആശാറാമിനെതിരെ തെളിവു നല്കിയ സാക്ഷികളെല്ലാം കൊല്ലപ്പെടുന്നു: ആറാമത്തെ സാക്ഷിക്ക് നേരെയും വെടി വയ്പ്പ്
ആള് ദൈവങ്ങള് വാഴുന്ന ഇന്ത്യയില് നിയമവും അവര് കൈയ്യടക്കുന്നു. പണവും അധികാരവും ഗുണ്ടായിസവും ഒരുമിക്കുന്ന മേഖലയാണ് ഇന്ത്യയിലെ കപട ആത്മീയവാദികളുടെ വിളനിലം. ഹരിയാനയിലെ ആള്ദൈവം ആശാറാം ബാപ്പുവിന്റെ മകന് നാരായന് സായിക്കെതിരെയുള്ള പീഡനക്കേസില് ഒരു മുഖ്യസാക്ഷി കൂടി ആക്രമണത്തിനിരയായി. സനൗലി സ്വദേശി മഹേന്ദ്ര ചൗലയ്ക്കാണ് ബുധനാഴ്ച രാവിലെ വെടിയേറ്റത്. അജ്ഞാത സംഘമാണ് ഇയാളെ വെടിവച്ചത്. ആശറാമിനും മകനുതെിരായ കേസില് ആക്രമിക്കപ്പെടുന്ന ആറാമാത്തെ സാക്ഷിയാണ് മഹേന്ദ്ര ചൗല. ആശുപത്രിയില് പ്രവേശിപ്പിക്കപ്പെട്ട ചൗല അപകടനില തരണം ചെയ്തതായി ഐ.ജി ശ്രീകാന്ത് ജാദവ് പറഞ്ഞൂ.
സംഭവത്തില് പൊലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചു. ഭീഷണിയുടെ പശ്ചാത്തലത്തില് മഹേന്ദ്ര ചൗലയ്ക്ക് സുരക്ഷയ്ക്കായി ഗണ്മാനെ നിയോഗിച്ചിരുന്നു. എന്നാല് ആക്രമണം നടക്കുമ്പോള് ഗണ്മാന് എവിടെയായിരുന്നുവെന്ന് വ്യക്തമല്ല. ഇതില് ദുരൂഹതയുണ്ടെന്നും പൊലീസ് പറഞ്ഞു. കുറ്റവാളികളെ ഉടന് പിടികൂടാന് കഴിയുമെന്നാണ് പ്രതീക്ഷയെന്ന് എസ്പി രാഹുല് ശര്മ്മ അറിയിച്ചു.
നാരായണ് റായിക്കെതിരെ ഒരു യുവതിയാണ് പരാതി നല്കിയത്. സൂറത്തിലെ ആശ്രമത്തില് വച്ച് 2002 മുതല് 2005 വരെ നാരായണ് റായ് തന്നെ നിരന്തം പീഡിപ്പിച്ചിരുന്നുവെന്നാണ് പരാതി. 2013 ഡിസംബറില് നാരായണ് റായ് അറസ്റ്റിലായി. കേസില് വിചാരണ നടക്കുന്നിതിനിടെ സാക്ഷികള് നിരന്തരം ആക്രമിക്കപ്പെട്ടു. പ്രോസിക്യുഷന് സാക്ഷിക്ക് ജോഥാപൂരിലെ കോടതി പരിസരത്തുവച്ച് കുത്തേറ്റു. മറ്റൊരു സാക്ഷി ഉത്തര്പ്രദേശിലെ മുസാഫര്നഗറില് വച്ച് വെടിയേറ്റു മരിച്ചു. മറ്റ് മൂന്നു പേര്ക്കു നേരെയും സമാനമായ രീതിയില് ആക്രമണം നടന്നുവെങ്കിലും അവര് രക്ഷപ്പെടുകയായിരുന്നു.
ആശാറാംബാബുവിനെതിരായ പീഡനക്കേസിലെ സാക്ഷികള്ക്കും ഇത് തന്നെയാണ് അവസ്ഥ. പണവും അധികാരവും ഗുണ്ടായിസവും ഒരുമിക്കുന്ന മേഖലയാണ് ഇന്ത്യയിലെ കപട ആത്മീയവാദികളുടെ വിളനിലം. ഇവര്ക്കെതിരെ നടപടിയെടുക്കാന് സര്ക്കാറിന് പോലും സാധിക്കാറില്ല ജനുവരിയില് കേസിലെ മറ്റൊരു സാക്ഷിയും ആശാറാമിന്രെ മുന്െ്രെ ഡവറും പാചകക്കാരനുമായിരുന്ന അഖില് ഗുപ്തയെ അജ്ഞാതര് വെടിവച്ചു കൊലപ്പെടുത്തിയിരുന്നു. ഉത്തര്പ്രദേശിലെ മുസഫര്നഗറില് വച്ചായിരുന്നു ആക്രമണം. ആശാറാമിനെതിരെ ഗുജറാത്തിലെ ഗാന്ധിനഗര് കോടതിയില് ഗുപ്ത നിര്ണായക തെളിവുകള് കൈമാറുകയും മൊഴി നല്കുകയും ചെയ്തിരുന്നു. ഈ കേസിലെ മറ്റൊരു സാക്ഷിയും ആശ്രമത്തിലെ ജോലിക്കാരനുമായിരുന്ന അമൃത് പ്രജാപതി കഴിഞ്ഞ വര്ഷം ജൂണില് വെടിയേറ്റ് മരിച്ചിരുന്നു.
ഓഗസ്റ്റ് പതിനഞ്ചിന് ജോധ്പുരിലെ ആശ്രമത്തില്വച്ച് പ്രായപൂര്ത്തിയാവാത്ത പെണ്കുട്ടിയെ ലൈംഗികമായി പീഡിപ്പിച്ചെന്നാണ് ആശാറാം ബാപ്പുവിനെതിരെയുള്ള കേസ്. ആശ്രമത്തിലെ ഹോസ്റ്റലില് അന്തേവാസിയായിരുന്നു ഈ കുട്ടി. 2013 സപ്തംബറിലാണ് ആശാറാം ബാപ്പു അറസ്റ്റിലാവുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
