ഉത്തര്‍പ്രദേശിലെ കജ്രി നൂര്‍പൂര്‍ ഗ്രാമത്തിലെ സുദാമാദേവിയെ ആ ഗ്രാമത്തിലുള്ള എല്ലാവര്‍ക്കും അറിയാം. 92 വയസ്സുള്ള സുദാമാദേവിയ്ക്ക് കാര്യമായ ആരോഗ്യപ്രശ്‌നങ്ങളൊന്നുമില്ലെന്നതു മാത്രമല്ല അവരെ പ്രശസ്തയാക്കിയത്. കഴിഞ്ഞ 80 വര്‍ഷമായി അവര്‍ കഴിക്കുന്ന പ്രതേ്യക ഭക്ഷണമാണ് അവര്‍ക്ക് ഗ്രാമത്തില്‍ പ്രശസ്തി നല്‍കിയത്.

അവര്‍ക്ക് 10 വയസ്സുള്ളപ്പോഴാണ് കൂട്ടുകാരികള്‍ അവരെ വെല്ലുവിളിച്ചത്. നിനക്ക് മണല്‍ തിന്നാമോ എന്നായിരുന്നു ചോദ്യം. തോല്‍ക്കാന്‍ മനസ്സില്ലാതിരുന്ന സുദാമാദേവി രണ്ടും കല്‍പ്പിച്ച് മണ്ണുവാരി തിന്നു. അന്നുമുതല്‍ അതിന്റെ രുചി പിടിച്ചതാണ് സുദാമാദേവിയ്ക്ക്.

പിന്നെ ദിവസവും മണല്‍ കഴിക്കാതെ കഴിയാനാവില്ലെന്നായി. ആരോടും അനുവാദം ചോദിച്ച് എടുത്ത് കഴിയ്ക്കാനൊന്നും നില്‍ക്കേണ്ട കാര്യമില്ലല്ലോ. തരം കിട്ടുമ്പോഴെല്ലാം മണ്ണു വാരിത്തിന്നു തുടങ്ങി.

സാമ്പത്തികമായി നല്ല സ്ഥിതിയിലല്ലാത്ത കുടുംബത്തിന് ഒരാള്‍ക്കുള്ള ഭക്ഷണം കുറച്ചു കരുതിയാല്‍ മതിയെന്നായി. പകരം അച്ഛനും, സഹോദരനും സുദാമയ്ക്കായി മണല്‍ ഏര്‍പ്പാടു ചെയ്തു കൊടുത്തു.

വിവാഹപ്രായമായപ്പോള്‍ ക്രിഷന്‍കുമാറിന് വിവാഹം ചെയ്തുകൊടുത്തു. അയാളുടെ ഗ്രാമത്തിലെത്തിയപ്പോള്‍ അത്താഴത്തിന് മണല്‍ കഴിക്കുന്ന നവവധു എല്ലാവര്‍ക്കും കൗതുകമായി. എങ്കിലും നേരത്തേ അച്ഛനും, സഹോദരനും ചെയ്തിരുന്ന ഉത്തരവാദിത്തം ക്രിഷന്‍കുമാര്‍ ഏറ്റെടുത്തു. തന്റെ ഭാര്യയ്ക്ക് ഓരോ ദിവസത്തേയ്ക്കും ആവശ്യമുള്ള മണല്‍ ക്രിഷന്‍കുമാര്‍ എത്തിച്ചു കൊടുത്തു കൊണ്ടിരുന്നു.

കഴിഞ്ഞ 80 വര്‍ഷമായി ദിവസവും 1 കിലോയോളം മണല്‍ വീതം കഴിക്കുന്ന സുദാമാദേവിയ്ക്ക് യാതൊരു രോഗങ്ങളുമില്ലെന്നത് ഡോക്ടര്‍മാരെ അതിശയിപ്പിക്കുന്നു. 92-കാരിയായ അവര്‍ക്ക് ഏഴ് ആണ്‍മക്കളും 3 പെണ്‍മക്കളുമാണ് ഉണ്ടായിരുന്നത്. അവരില്‍ മൂന്നു ആണ്‍മക്കളും ഒരു മകളും മാത്രമേ ഇപ്പോള്‍ ജീവിച്ചിരിപ്പുള്ളൂ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക